Hin "sjálfsagða" spilling! Elítan sér um sína!

Það er alveg fáránlegt að nokkur maður skuli fagna þessu.  En hér er enn eitt dæmið um, að ekkert hefur breyst.  Elítan sér um sína!  Fallkandídatar eru ráðnir í tilbúin störf af vinum sínum.  Þingmenn þiggja gjafir af auðmönnum og fyrirtækjum þeirra, sbr.  Golf og dinner-fyllerí Sigmundar Ernis!  Ruglið heldur áfram!  Verður Sigmundur kannski kominn í utanríkisþjónustuna innan tíðar?  Þannig hafa ýmsir, sem ekki hafa "þolað" nærveru áfengis, verið handeraðir í gegnum tíðina.  Vegna ákv. laga eru hér enginn nöfn nefnd!

Svona "reddingar" eiga að heyra sögunni til!  Siðbótin, hvar er hún?  Mikið var talað um hana í haust.  Stjórnmálaelítan hefur víst ekkert heyrt, og ekkert lært!

Guðjón Arnar í sjávarútvegsráðuneytið

Og hvað? Þetta hefur almúginn fyrir satt hér á landi!

Jú, þessu höfum við haldið fram, hver almúgamaðurinn um annan þveran.  Og komumst ekki í fréttir Moggans.  Enda erum við, þessir almúgamenn, ekki hagfræðingar, prófessorar og hvað það nú heitir allt saman.

Sumir okkar hafa líka bent á að Evrópusambandinu eru stjórnað með hagsmuni kapítalsmans í forsæti.  Aðeins "réttlæti" fyrir auðvaldið er haft þar að leiðarljósi.  Alþýðunni blæðir.  Smáríkin eru kúguð og hagsmunir þeirra fótum troðnir. 

 

 

Segja Íslendinga beitta fjárkúgun

Hin takmarkaða lýðræðisást Bjarna EnnEins.

Forsetinn á að staðfesta Icesave

Bjarni vill að forsetinn staðfesti ríkisábyrgðina á Icesave samningunum. Mynd/ Anton Brink.

Heimir Már Pétursson skrifar:

Bjarni Benediktsson formaður Sjálfstæðisflokksins vill að forseti Íslands staðfesti lög um ríkisábyrgð vegna Icesave og telur að forsetinn eigi reyndar aldrei að ganga gegn vilja Alþingis.

Nú er verið að safna undirskriftum á vefnum kjósa punktur is við áskorun til Ólafs Ragnars Grímssonar forseta Íslands um að staðfesta ekki nýsamþykkt lög Alþingis um ríkisábyrgð vegna Icesave samninganna við Breta og Hollendinga.

Í gær höfðu á sjöunda þúsund manns skrifað undir áskorunina sem verður afhent forsetanum á morgun. Ólafur Ragnar er eini forseti lýðveldisins sem synjað hefur lögum staðfestingar, en það gerðist þegar hann neitaði að staðfesta fjölmiðlalögin árið 2004. Bjarni Benediktsson formaður Sjálfstæðisflokksins segir að forsetinn eigi að staðfesta lögin.

„Ég er þeirrar skoðunar að hann eigi ekki að beita þessari heimild og er reyndar þeirrar skoðunar að í það eina skipti sem henni hefur verið beitt hafi ekki verið réttur grundvöllur fyrir þeirri beitingu," segir Bjarni. Hann sé á móti því að forsetinn beiti synjunarvaldinu.

„Mér finnst það eiga sérstaklega við núna vegna þess að hér er meirihlutaríkisstjórn sem hefur klárað málið og það á ekki að fara gegn þinginu," segir Bjarni Benediktsson.

40. grein Stjórnarskrárinnar þverbrotin með komu AGS til landsins?

40. gr. Engan skatt má á leggja né breyta né af taka nema með lögum. Ekki má heldur taka lán, er skuldbindi ríkið, né selja eða með öðru móti láta af hendi neina af fasteignum landsins né afnotarétt þeirra nema samkvæmt lagaheimild.

Hve oft hefur þessi grein Stjórnarskrár Lýðveldisins verið brotin undanfarna mánuði, eða síðan hrunið varð?  Og hve oft hafa menn ætlað sér að brjóta hana?  Er aðkoma AGS að málum hér á landi dæmi um það?  Eða ætluð sala á aðgangi að orku landsins til einkaaðila og útlendra auðmanna?

Sjá fróðlegan greinar á þessum síðum:      www.kreppan.blog.is     &   www.skula.blog.is 

Glætan! Vill aðeins slá skjaldborg um auðvaldið!

Veruleikafirrtur auðvaldsdrengur heldur fund með jájá-söfnuði(wannabees) sínum.  Auðvitað vonar Bjarni EnnEinn að hann komist til valda.  Tilgangurinn:  Að slá skjaldborg um auðvaldið!

Einstaklega ótrúverðugur einstaklingur!

Víki verði fyrirvörum hafnað

Missti Eva af einhverju? Hin "sjálfsagða" spilling mun koma í veg fyrir að réttlætið nái fram!

Eina vonin til að koma lögum yfir þrjótana hér á landi, er einmitt með svona aðferðum!  Ríkislögmaður hvað?  Syndir hann ekki í sama vatni og Valtýr Sig., sem Evu þótti svo ómögulegur.  Og nú heldur Eva að allir nema hann séu vammlausir.  Ef hverju missti Eva?  Vantar hana upplýsingar?

Ef fjármálamógúlarnir verða dæmdir til einhverrar refsingar fyrir atferli sitt verður það ekki hér á landi og ekki fyrir atbeina íslenskra embættismanna.  Vonir eru bundnar við að gengið fái þó dóm í Bretlandi.

Hér ræður elítan enn öllu og telur sér allar leiðir færar, sbr. umsókn Jóns Magnússonar!  Ruglið hefur sinn gang skv. venju!  Þingmenn mæta í dinner hjá bönkum og slíkum og mæta svo fullir til starfa.  Ekkert mál!  Hin "sjálfsagða" spilling er hér enn við líði.  Ekkert hefur breyst!

Telur nýjan starfshóp pólitískt útspil

Kastljósið í kvöld! Fyllerísmáli Sigmundar enn snúið á haus! Sjálfsögð spilling?

Sérkennilegur málflutningur fréttamanna:  Það er sagt smámál að þingmenn séu fullir í vinunni.  Alþingi setur lögin í landinu og fréttamenn telja alveg sjálfsagt að við þá vinnu séu þingmenn fullir!  En hvað var Sigmundur að gera á golfmóti og í dinner í boði MP-banka?  Var hann að þiggja duldar mútur? 

Mega þingmenn þiggja veitingar, plús frítt golf, af fjármálafyrirtækjum?  Fyrirtækjum sem þeir eru að fjalla um daglega nú um stundir. 

Er þetta bara hluti af hinni "sjálfsögðu" spillingu, einsog fyllerí þingmanna Löggjafarsamkundunnar?

Jón Magnússon? Heheheh....

Sumir segja hann hæfastan!  En ef Jón, faðir Jónasar Fr. í Fjármálaeftirlitinu, er hæfastur, þá er ég páfinn í Róm.  Jónas gerðist sérstakur fjölmiðlafulltrúi Landsbankans, þegar ljúga skyldi Icesave inná Hollendinga.  Kannski gerir það pabbann hæfari en annað fólk til að rannsaka bankana. 

Hinir ósnertanlegu eru nánast aðdáunarverðir í ósvífni sinni.  Slíkum hæðum hefur forstokkun þeirra náð!

Ferfalt húrra fyrir Kjartani Gunnarssyni og Jóni!  Þetta er náttúrulega tær snilld!

11 sóttu um saksóknaraembætti

Kjánaleg frétt af kjánalegum þingmönnum stjórnarandstöðunnar.

Í ljósi sögu síðustu ára, og ferils flokka sinna, væri ríkisbubbasonunum sæmst að þegja, eða biðja þjóðina afsökunar á stefnu flokka sinna.  Icesave-málið er bein afleiðing þeirra stjórnarstefnu, og stjórnargerða, sem Sjálfstæðisflokkurinn og Framsókn fylgdu í ríkisstjórn.  Sem sagt, Icesave-málið, svo og efnahagshrunið allt, er afleiðing af einkavinavæðingu atvinnulífsins og bankanna.  Ríkisbankarnir voru afhentir vinum þessara flokka, ásamt fjölmörgum öðrum stofnunum.  Nú súpum við seyðið af stjórnarstefnunni, sem Davíð og einkavinur hans og ráðgjafi, Hannes Hólmsteinn, mótuðu, og Framsókn samþykkti.  Icesave-málið datt ekki af himnum ofan í febrúar.  Í nóvember féllust ráðherrar Sjálfstæðisflokksins og aðalbankastjóri Seðlabankans á ábyrgð ríkissjóðs á Icesave.  Aðdragandinn er svo allt sukkið og svínaríið sem frjálshyggja Davíðs og Hannesar sett af stað!

Ýmsir hlaupastrákar Sjálfstæðisflokksins og Framsóknar hér á blogginu ættu að hafa þetta í huga, en sleppa kjánaskapnum!  Sbr. hneykslun þeirra á þeim viðtökum, sem Hannes fékk á Austurvelli í gær!

Eini lúserinn í kúrekamyndinni

Kostnaður vegna skólagöngu grunnskólabarna.

Mikið er rætt um  kostnaðinn, sem fylgir skólagöngu barnanna.  Og er von til.  Í Háteigsskóla er sá háttur hafður á, að greitt er í bekkjarsjóði svokallaða í 1.-7. bekk.  Kennarar gera svo magninnkaup fyrir allan bekkinn.  Í ár er gjaldið 5000 krónur, sem telst víst vel sloppið fyrir öll ritföng, stólabækur, möppur o.s.frv. allan veturinn!  Allt skóladótið fyrir 5000 kall!

Semsagt til fyrirmyndar!  Væri gott ef þetta væri svona víðar.  Kostirnir eru miklir:  Minni kostnaður, ekkert búðaráp og enginn metingur!

Og fæst þá syndaaflausn, og kannski líka bréf?

Þar sem ég er að lesa um ævi Lúthers fer ekki hjá því að ýmislegt sem ber við í lífi þjóðarinnar minni á umhverfi munksins, sem setti valdabatterí Vatíkansins í vandræði.  Engan hef ég þó fundið í hlutverk umbótamannsins Marteins enn. 

Nú vill Steingrímur, að afglapar og dansfífl Mammonsorgíunnar biðjist fyrirgefningar á brotum sínum gegn þjóðinni.  Hvort Steingrímur ætlar að selja þeim aflátsbréf er ekki vitað.  Kannski má öngla saman uppí Icesave skuldina þannig.

Ýmsir láta sem  sumir þátttakendur í orgíudansinum eigi sér einskonar góðverka innistæðusjóð og sjálfsagt sé að þeir fái að taka útúr sjóðnum.  Þar með sé þeim fyrirgefningin tryggð.Ekki er mér kunnugt um í hvaða sparisjóði þennan góðverkareikning er að finna.  Á dögum Lúthers var því trúað að á himnum væri þessi sparisjóður.  Kannski hann hafi farið í þrot í haust.

Allt er þetta að verða eitt undarlegt leikverk.  Í stað þess að setja  meinta brotlega í tukthús meðan mál þeirra eru rannsökuð og síðan send fyrir dómstóla, er farið fram á að þeir biðjist afsökunar.   

Bíður eftir afsökunarbeiðni

Eigi veit ég það svo gjörla!

En hitt veit ég að af er grasrótin!

Að minnsta kosti.

Full samstaða um Icesave í VG

Er Brasilíumaðurinn eitthvað kunnugur á Íslandi?

"Brasilíumaður sem handtekinn var á Leifsstöð fyrir helgi og er eftirlýstur fyrir margvíslega glæpi í heimlandi sínu, ætlar að fara fram á pólitískt hæli á Íslandi. Hann segist óttast um líf sitt í Brasilíu og biðlar til íslenskra stjórnvalda að sýna máli sýnu skilning."

Það er aungvu líkara en að manninum sé kunnugt um næman skilningi íslenskra stjórnvalda á aðstæðum meintra glæpona.

http://visir.is/article/20090815/FRETTIR01/182970278

Mogginn er samur við sig!

When the banks were put into administration last October, experts believed that Iceland's banks had simply fallen prey to the global credit crisis.

But Dr Jon Danielsson, an Icelander who teaches economics at the London School of Economics, believes that while the timing of the crash was dictated by the global banking crisis, the scandal is unique among European financial institutions.

He believes the root of Iceland's problemsthat have now decimated its economy appear to have started when the government decided to privatise the banks in the early 1990s.

"Iceland got its regulations from the EU, which was basically sound," he says. "But the government had no understanding of the dangers of banks or how to supervise them. They got into the hands of people who took risks to the highest possible degree."

Það er "glæsileg" blaðamennska sem birtist í endursögn moggans á þessari misgóður grein "Símskeytisins".  Mogginn skautar fram hjá mikilvægum hlutum í kaflanum um skoðanir Jóns Daníelssonar á bönkunum og efnahagshruninu. 

1.  Jón er þeirrar skoðunar að meðan tímasetning hrunsins hafi ráðist af heimskreppunni , sé skandallinn einstæður á Evrópskan mælikvarða. 

2.  Hann telji að rætur vandans liggi í þeirri ákvörðun ríkisstjórnarinnar að einkavæða bankana 1990.

3.  Regluverk bankanna fengu Íslendingar frá EU, en ríkisstjórnin hafði hvorki skilning á þeim hættum sem bönkum fylgir né hvernig ætti að hafa eftirlit og stjórn á þeim.  Þeir lentu í höndunum á mönnum sem færðu áhættu í hæstu hæðir!

Það hefur vafist fyrir hægrimönnum að viðurkenna upphaf vandans sem við er að eiga í dag:  Einkavæðingu banka, annarra fjármálastofnana og einkavinavæðinguna almennt.  Allt frá Síldarverksmiðjum Ríkisins til bankanna.  Einkavæðinguna í stóru sem smáu.  Og trúnni á, að stjórnlaus kapítalismi gæti staðið sig.  Ofan á allt bætist svo algert skilningsleysi á þörf á eftirlit og yfirstjórn á fjármálalífinu.

Bjarni litli EnnEinn.

Samningnum í rauninni hafnað

Helvíti skítt!

Og varla neitt fleira um það að segja!  Við, almenningur, eigum að sjálfsögðu ekki að borga fyrir glæpsamlega ævintýramennsku auðvaldsins!  Trúverðugleiki VinstriGrænna er fokinn út í veður og vind.  Hvernig hann verður endurreistur er vandséð miðað við frammistöðu forystusveitarinnar.  Forystan dansar eftir flautu stórauðvaldsins og sjálfsagt verður ekkert lát á dansinum á næstunni.  Hinn almenni flokksmaður treystir ekki lengur þessu fólki. 

Hér ganga "auðmennirnir" um óáreittir af yfirvöld, þó einhverjir hafi stöðu grunaðra fyrir eitthvert skiterí.  Almennt gengur líf þeirra, sem ábyrgð bera á efnahagshruninu sinn vanagang, þó lítið sé um aðgang að spilapeningum hjá bönkunum í bili.

Almenningur, þetta fólk sem ekki er þjóðin, einsog frægt er orðið, berst í bökkum.  Lífskjörin skerðast dag frá degi.  Og stjórnmálaelítan hefur ekki miklar áhyggjur af því að séð verður.  Eitthvað var gapað um að þessir málamyndafyrirvarar tryggðu að Icesave-skuldbindingarnar skertu ekki lífskjörin.  Trúi því hver sem vill!  Það verður þá bara einhverjum öðrum skuldbindingum kennt um.  Og þegar á reynir er líklegast að Bretar og Hollendingar geri lítið með þessa fyrirvara annað en að hlægja að þeim.

Milljarðaskuldararnir þurfa sjálfsagt ekki að hafa áhyggjur af hvað þeir eiga að éta á morgun.  Það hafa aðrir.  Mæður og feður vita varla hvernig á að metta börnin næstu dægrin.  Hvernig verður með húsnæði fjölskyldunnar.  Hvernig verður með skólann barnanna; verða til peningar fyrir skólabókum og slíkum.  Skólaföt og aðrar nauðsynjar.

Á meðan lifa hinir ósnertanlegu sínu venjubundna óhófslífi og stjórnmálaelítan deilir frekar kjörum með þeim en almúgafólkinu (þessu fólki sem ekki er þjóðin, muniði), sem á varla til hnífs og skeiðar. 

Er nema von að vantraustið vaxi

og að horft sé til stjórnar og þings með undrun og efa. 

Eitthvað hefur brostið...  

„Góð lending fyrir Ísland“

Þarf nú ekki að fara að breyta lögum? Eða verður bara "bisness as ususal."

Nýlega voru sett lög um eignaupptökur í tengslum við fíkniefnamál.  Þar skilst mér, að heimild hafi verið gefin fyrir upptöku eigna sem séu tilkomnar vegna illa fenginna tekna.  Þarf ekki  samskonar heimild í hinum stórfelldu fjárplógssvikamálum sem almenningur vonar að komist einhverntíma fyrir dómstóla?

Ég verð að játa það, og mér heyrist flestir vera sama sinnis, að ég hef ekki mikla trú á, að fjármálamógúlarnir verði nokkurntíma látnir sæta ábyrgð, eða að þeir verði látnir bæta þjóðinni tjónið, sem hlaust af framferði þeirra, með eignum sínum og leynisjóðum!

Frekar held ég, að þeir muni bara fá að halda sínu striki, "bisness as usual."  Verði  "hreinsaðir" af öllu saman og haldi eignum sínum ósnertum.  Síðan þegar fer að fjúka í slóðina muni þeir halda áfram að gramsa undir sig allan auð samfélagsins, einsog endranær!  Sem þeir reyndar virðast vera gera óáreittir í dag í rústunum af efnahagskerfinu!

Nokkrir með stöðu grunaðs hjá Sjóvá

Láttu ekki vín breyta þér í svín!

Ef þú ferð útá lífið í kvöld og vaknar svona í fyrramálið, þá skaltu hringja á Vog á mánudagsmorguninn.

Eða....

 

 

 ... þú hefur bara nælt þér í flensuna!  Hvort heldur er, ekki fara á kránna...

Varla mikil eftirspurn.

Þungavigtarlögfræðingar eru flestir, ef ekki allir, vanhæfir til starfans.  Hafa þegar verið á launaskrá þeirra sem þjóðina grunar um að hafa sett hana á hausinn.  Ríkiselítan grunar sennilega engan.  Svo er spurning, hvort ætlast er til að mál sem rannsökuð eru eigi einhverntíma eftir að lenda í dómssölum. Grunur hefur verið uppi meðal þeirra sem ekki eru þjóðin að hér verði enginn ákærður, nema smáþjófarnir sem alltaf er verið að stinga inn hvort eða er!

Útlendingar koma ekki til greina.  Þeir gætu tekið uppá að ákæra!

Auglýst eftir saksóknurum

Auknar heimildir? Til hvers? Enn er blekkingavefurinn ofinn!

Það virðist ansi löng símalínan frá þjóðinni, þessari sem er víst ekki þjóðin, til ríkisstjórnarinnar.  Alveg frá hruni hefur þjóðin krafist kyrrsetningar á "eigum" skuldakónganna, sem keyrðu efnahagslíf þjóðarinnar í gjörgæsluástand.  Ekkert hefur gerst.  Nú nýverið virðast hinsvegar Heilög Jóka og hennar lið hafa heyrt óminn af kröfum almúgans.  Og þá á að veita "auknar heimildir til eignaupptök".  Til  hvers?  Heimildir sem hafa verið til í lögum hafa ekki verið notaðar.  Er einhver ástæða til að halda að þessar auknu heimildir breyti einhverju um það.

Það  þarf kannski líka "auknar heimildir" til að menn séu yfirleitt grunaðir um hvítflibbaglæpina sína, því enginn hefur enn fengið stöðu grunaðs hjá hinum mjög svo sérstaka saksóknara.  Hvað þá að einhver hafi verið ákærður eða sitji í gæsluvarðhaldi. 

Það er kannski bara bannað að stela minna en tíuþúsund kalli?  Það er allt sem bendir til þess að enginn verði ákærður hér á landi vegna afbrota í fjármálasvalli síðustu ára, nema þessir venjulegu smábófar.

En kæru samlandar, það er enn von.  Frést hefur að breskt rannsóknarfélag, sérhæft í fjármálaglæpum, rannsaki hér allt þjóðlífið uppúr og niðurúr frá A-Ö.  Má því eiga von á að allt kunningjasamfélag elítunnar sitji saman á sakamannabekk í Bretlandi innan skamms.  Ekki bara einhverjir Hannesar og kjötkaupmenn, heldur líka formenn og hirðmenn náhirðanna bæði nær og fjær.

Kannski er það vegna þessarar rannsóknar, sem einum þræði enn er bætt í blekkingarvefinn?

Skatturinn fær að kyrrsetja eignir