Líklega jafnfyndið...

...og krafa SjálfgræðsFLokksins um að forsetinn neita að skrifa undir Icesave og vísi þar með málinu til þjóðarinnar.  FLokksmenn voru á sínum tíma búnir að sanna að forsetinn gæti ekki neitað að skrifa undir lög frá Alþingi og vísað þeim til þjóðarinnar.  Að eigin sögn!

FLokkurinn hefur aldrei fyrr í sögu sinni haft áhuga á, að þjóðin fengi að kjósa um einstök mál í þjóðaratkvæðagreiðslu!  Alltaf vísað því á bug.

Tillaga um þjóðaratkvæðagreiðslu

Í Betlehem er ...

 

Gleðileg Jól!

Með blýant og strokleður?

Einkennilegt hvað mál, sem teljast sjálfsögð og eðlileg allsstaðar annarsstaðar, eru þessari gáfuðu þjóð erfið.  Fjölþrepa skattkerfi eru viðhöfð víðast hvar á vesturhveli jarðar, en ekki hér.  Það er og flókið, segja embættismenn og sumir stjórnmálamenn.   Sama gildir um þjóðaratkvæði.  Hér er viðkvæðið, að mál séu of flókin til að hægt sé að greiða um þau atkvæði.  Þjóðin sé væntanlega og heimsk til að greiða atkvæði um flókin mál.

Með leyfi að spyrja, hvað er svona erfitt?  Og af hverju er þetta erfiðara hér en annarstaðar?  Kannski skýringarinnar sé að leita í leti embættismanna.  Og, varðandi þjóðaratkvæði, að stjórnmálamennirnir vilji halda valdinu hjá sér.

„Flóknari og ónákvæmari“

Nei, heyrðu mig nú!

Er þessi kona ekki búin að gera nógan óskunda í borgarkerfinu?

Jórunn stefnir á þriðja sætið

Hver seldi hverjum hvað?

Er yfirtaka kröfuhafa á bönkunum sama og sala?  Skrýtið.  Kannski Kristján geti útskýrt það.  Og kannski vill hann frekar að ríkissjóður borgi upp kröfurnar?  Hver veit?

Segir bankana selda í heimildarleysi

Skúli ER veruleikafirrtur, ekki spurning! Eða kannski bara rafmagnslaus?

Það er greinilegt, að framkvæmdastjóri Starfsgreinasambandsins er sæmilega veruleikafirrtur.  Fyrir það fyrsta ber umhverfisráðherra að gæta þess að lögum sé fylgt.  Í öðru lagi er það hlutverk umhverfisráðherra að vera málsvari umhverfisins, ekki útlendra auðhringa!

Það væri betra, að Skúli temdi sér hófsamari talsmáta, þó seint sé.

Svo má velta fyrir sér hversu vel Skúli hefur fylgst með umræðunni undanfarið.  Það liggur fyrir að það verður ekki einfalt mál að framleiða allt það rafmagn, 635 kw, sem þessi álbræðsla mun þurfa.  Auk rafmagns fyrir 3 netþjónabú, málmþynnuverksmiðju, stækkun í Straumsvík og fleira, sem er í bígerð.  Skúli ætti kannski líka að velta fyrir sér, hversu skynsamlegt það er að byggja stóran hluta atvinnulífsins á rekstri útlendra stóriðjufyrirtækja.  Það er nefnilega þannig að allur arður af þessum verksmiðjum er fluttur til útlanda, en ekki nýttur innanlands til frekari fjárfestinga og uppbyggingar.  Skúli var á sínum tíma sýslumannsfulltrúi á Seyðisfirði.  Austfirðingar voru á þeim tíma illa brenndir eftir síldarárin.  Allur arður af síldarsöltun og bræðslum var nefnilega fluttur annað, þar sem heimamenn áttu ekki verksmiðjurnar og síldarplönin!  Vill hann að við verður líkt og Austfirðingar háðir aðkomumönnum um stóran hluta atvinnulífsins?  Sem þar að auki mun í framtíðinni hindra uppbyggingu annarrar atvinnustarfsemi vegna orkuskorts.  Öll raforkan verði sem sé seld áliðjunni?

Svandís veruleikafirrt eða vanhæf

Opinber rannsókn á starfsemi Barnaverndar Reykjavíkur nauðsynleg.

Málefni Barnaverndar hafa hafa verið í kastljósinu síðustu vikur.  Æ betur kemur í ljós, hvernig sú stofnun vinnur.  Lög og reglur eru brotnar af starfsmönnum eftir hentugleika.  Þeir smíða sé reglur sjálfir eftir hentugleika hverju sinni.

Ýmsar ástæður eru fyrir því, hversvegna stofnunin vinnur svona.  Stofnunin er lokuð og mikil leynd hvílir yfir vinnu hennar.  Enginn utanaðkomandi virðist fara yfir, og fylgjast með vinnu hennar.  Mishæfir starfsmenn taka ákvarðanir.  Hópsefjun á sér stað.  Starfsmenn taka jafnvel fram fyrir nefndinni, sem þeir eiga að vinna undir.  Athyglisverð eru viðbrögð stofnunarinnar við allri fjölmiðla- og bloggumræðu.  Stofnunin harmar umræðuna.  Opin umræða má sem sagt ekki fara fram um stofnunina og vinnubrögð hennar.  Hún dregur nefnilega uppá yfirborðið afkáraleg mistök starfsmanna stofnunarinnar og gæti jafnvel stöðvað stofnunina í gerræðislegum aðgerðum hennar gegn börnum sem verða fyrir barðinu á henni!

Ég hef lengi verið þeirrar skoðunar, eða allt frá því að fjölskylda mín kynntist vinnubrögðunum, að opinber rannsókn á stofnuninni sé nauðsynleg.  Þau þrjú mál sem ratað hafa í umræðuna undanfarið eru aðeins toppurinn á ísjakanum!  Hverjum er stofnunin að þjóna í þessum málum?  Í málunum þremur er ljóst, að það eru ekki börnin.  Eru það þá væntanlegir fósturforeldrar og þeir sem vilja ættleiða börn?  Rekur stofnunin þá einhverskonar ættleiðingarþjónustu, og verkefnareddingar fyrir fósturforeldra á vegum stofnunarinnar?

Barnaverndarnefnd lýsir trausti á Barnavernd

Opinber rannsókn á Barnavernd Reykjavíkur nauðsynleg!

Málefni Barnaverndar hafa hafa verið í kastljósinu síðustu vikur.  Æ betur kemur í ljós, hvernig sú stofnun vinnur.  Lög og reglur eru brotnar af starfsmönnum eftir hentugleika.  Þeir smíða sé reglur sjálfir eftir hentugleika hverju sinni.

Ýmsar ástæður eru fyrir því, hversvegna stofnunin vinnur svona.  Stofnunin er lokuð og mikil leynd hvílir yfir vinnu hennar.  Enginn utanaðkomandi virðist fara yfir, og fylgjast með vinnu hennar.  Mishæfir starfsmenn taka ákvarðanir.  Hópsefjun á sér stað.  Starfsmenn taka jafnvel fram fyrir nefndinni, sem þeir eiga að vinna undir.  Athyglisverð eru viðbrögð stofnunarinnar við allri fjölmiðla- og bloggumræðu.  Stofnunin harmar umræðuna.  Opin umræða má sem sagt ekki fara fram um stofnunina og vinnubrögð hennar.  Hún dregur nefnilega uppá yfirborðið afkáraleg mistök starfsmanna stofnunarinnar og gæti jafnvel stöðvað stofnunina í gerræðislegum aðgerðum hennar gegn börnum sem verða fyrir barðinu á henni!

Ég hef lengi verið þeirrar skoðunar, eða allt frá því að fjölskylda mín kynntist vinnubrögðunum, að opinber rannsókn á stofnuninni sé nauðsynleg.  Þau þrjú mál sem ratað hafa í umræðuna undanfarið eru aðeins toppurinn á ísjakanum!  Hverjum er stofnunin að þjóna í þessum málum?  Í málunum þremur er ljóst, að það eru ekki börnin.  Eru það þá væntanlegir fósturforeldrar og þeir sem vilja ættleiða börn?  Rekur stofnunin þá einhverskonar ættleiðingarþjónustu, og verkefnareddingar fyrir fósturforeldra á vegum stofnunarinnar?

Álver í Reykjavík! Opið bréf til þingmanna og borgarfulltrúa Reykvíkinga.

Ég krefst þess hér með að reist verði álver í Reykjavík!  Það er tími til kominn!  Á höfuðborgarsvæðinu búa flestir þeirra sem atvinnulausir eru í dag!  Orkuveita Reykjavíkur, OR, á ekki að vera að vinna orku útum allar koppagrundir fyrir einhverja aðra en Reykvíkinga!  Hér vantar auk þess almennilega stórskipahöfn.  Höfn einsog þarf fyrir rekstur álvers.  Fyrir utan það, er hér allt sem þarf.  Vinnufúsar atvinnulausar hendur og þekking! Og orkufyrirtækið, OR, er eign Reykvíkinga.  Landrými er hér nóg við sjó, t.d. á flugvallarsvæðinu.  Öll stjórnsýslan hlýtur að láta þetta fljóta athugasemdalaust í gegn fyrir höfuðborgarbúa!  Öll leyfi yrðu klár athugasemdalaust.  Skítt með það þó Reykjavíkurborg/OR og ríkissjóður verði að slá 300 milljarða lán fyrir herlegheitunum!  Og að öll vinnanleg orka á suðvesturlandi dugi ekki til.  Hver er sjálfum sér næstur, Reykvíkingar!  Berjumst fyrir hagsmunum okkar!  Aðrir geta séð um sig(?)!

Sem sagt!  Álver í Reykjavík!  Tvö frekar en eitt!  Hvað eru þingmenn og borgarfulltrúar Reykvíkinga að hugsa! 

Hagar, Bónus og hin svokallaða frjálsa samkeppni. Lögin eða tilfinningarnar?

Í dag, og undanfarna daga, hafa menn verið iðnir að tjá sig um orðróm.  Sá orðrómur gengur útá að verið sé að afskrifa skuldir ákveðins fyrirtækis. Miklar tilfinningar blandast inní þessa umræðu alla. Þar sem þetta er fyrirtæki svokallaðra Bónusfeðga, og að Jón Ásgeir er einn af útrásar"bófunum", þá fer umræðan svolítið í þennan farveg.  Ýmsir hafa hneykslast á að ekki sé gengið að öðrum eignum manna. Og jafnvel talið að þeir eigi ekki að koma að stjórn fyrirtækisins. 

Það er tvennt sem ekki hefur verið minnst á.  Þegar verið er að greiða úr rekstrar- og skuldavanda fyrirtækja er það tvennt og aðeins þetta tvennt, sem hafa þarf að leiðarljósi.  Það eru lögin og viðskiptalegir hagsmunir.  Hverjir eru eigendur fyrirtækjanna er málinu óviðkomandi.  Ef lög heimila ekki, að gengið sé að öðrum fyrirtækjum eða eignum manna vegna rekstrarvandræða í viðkomandi fyrirtæki, þá er það væntanlega ekki gert. Þetta eru ekki tilfinningamál!

Samkeppni.  Hefur enginn velt því fyrir sér hversvegna Bónusfeðgar hafa náð svo miklum árangri, og mikill markaðsaðild?  Halda menn að það sé aðeins með bolabrögðum?  Hefur þeim bara ekki gengið betur að laða viðskiptavini að verslunum sínum en samkeppnisaðilunum?  Er það ekki það sem hin svokallaða frjálsa samkeppni, hinn frjálsi markaður, gengur útá?  Er þá nokkuð að?

Menn eru að sönnu ekki sammálu um hve mikil markaðshlutdeild umræddra fyrirtækja er.  Samkeppnistofnun, skilst mér, fann út að hún væri í kringum 50%.  Eigendur hafa haldið þessari tölu fram.  Þeir sem, af einhverjum óútskýrðum ástæðum, hafa óbeit á Bónusfeðgum, og öllum þeirra fyrirtækjum og rekstri, halda fram miklu hærri tölu.  Mér er tjáð að hér sé ástandið svipað og í borgum með svipaðan íbúafjölda og býr á Íslandi.

Mér hefur fundist vera svolítið falskur tónn í gagnrýni margra í umræðunni um aðgerðir stjórnvalda og vinnubrögð banka og annarra stofnana í endurreisn samfélagsins.  Þannig hljóma raddir forystu- og talsmanna þess stjórnmálaflokks, sem ber mesta ábyrgð á ástandinu bæði með gerðum og aðgerðarleysi, bæði falskar og hjáróma.  Sama gildir um stuðningsmenn flokksins.  Þessir sömu hafa ekki haft svo stór orð um vini FLokksins í Landsbankanum.  Ekki hefur heyrst hjá þeim að ganga eigi að t.d. Actavis, og hirða það af eigendum þess vegna Icesave-glæfranna. 

Að lokum vil ég taka fram, að ég er ekki neinn sérstakur velunnari Bónusfeðga, frekar en annarra kapítalista.  En mikið helvíti held ég, að oft hefði verið leiðinlegt við matarborðið hjá mér og fleirum, ef ekki væri fyrir Bónus.  Verðlag var ekki svo glæsilegt hjá þeim, sem réðu hér öllu í matvöruverslun áður en Bónus kom til. 

 

Njóta eigendur Haga trausts?

Er þetta niðurstaðan af þessari svokölluðu jafnréttisbaráttu?

Í dag fékk  ég eftirfarandi bréf.  það vekur mann til umhugsunar.  Það er greinilega ekki gert ráð fyrir feðrum í lífi barna í Foreldrafélagi Háteigsskóla, eða jafnvel á skrifstofu skólans...  Og allra síst einstæðum feðrum!  Þetta er ekki í fyrsta skipti sem ég verð var við það hugarfar, að ekki sé gert ráð fyrir að karlar séu forráðamenn barna sinna.  Við höfum greinilega alveg gleymst í allri þessari jafnréttisbaráttu

Ágætu foreldrar og forráðamenn barna í Háteigsskóla

Foreldrafélag Háteigsskóla vill með bréfi þessu óska eftir stuðningi ykkar. Síðustu ár hafa foreldrar stutt dyggilega við foreldrafélag skólans. Foreldrafélagið heldur m.a. öskudagshátíð, vorhátíð og stendur fyrir námskeiðum. Undanfarin ár hefur skólinn boðið foreldrum barna við skólann í jólamat í desember en vegna niðurskurðar þarf skólinn á okkar stuðning að halda til þess að hefðin haldist. Samkvæmt lögum er skylda að hafa foreldrafélag í skólanum og gott samstarf heimila og skóla er afar mikilvægt.


Félagsgjald fyrir veturinn 2009-2010 er 1.500,- kr.
Nú eru greiðsluseðlar að birtast í heimabönkum mæðra. (Leturbreyting mín).
Aðeins er óskað eftir einu framlagi frá hverju heimili
Þeir sem eru ekki með heimabanka geta greitt inná reikning 130-26-6610 kt.661094-2229 (Foreldrafélag Háteigsskóla)
Við þökkum stuðninginn, barnið þitt mun njóta framlagsins!

Foreldrafélag Háteigsskóla

Baugspenninn Hannes Hólmsteinn skammar Jón Steinsson!

Hannes finnur það Jóni meðal annars til foráttu að hafa gleymt "hæfilegri varúð fræðimennsins".  Það var líklega einmitt það sem gerðist, þegar fræg bók var skrifuð um Halldór Kiljan Laxness hér um árið!  Nú talar Hannes, aldrei þessu vant, af nokkurri þekkingu!

Jón Valur, þó!

Prestur boðar til bókabrennu-

 Biblían líka á bálið!  Sjá www.dv.is 

Essasú?

Forherðing og firring! Bannið RÚV ehf!

Nú er hafin alherjar áróðursherferð gegn Agli Helgasyni og RÚV ehf  undir  forystu Ástþórs Magnússonar og Björns Bjarnasonar lagabætis!  Ýmsir hafa tekið á sig krók á lífsleið sinni til að leggja málefninu lið.  Má þar nefna Hannes frelsara og Sturlu Hólmara.  Vilja þeir að  Egill verði rekinn af RÚV!  Ástæðan er sú að þeim hugnast ekki skoðanir Egils.  Segja að hann leggi Sjálfstæðisflokkinn í einelti og dissi Ástþór!  Telja þeir að með því að hafa Egil á launaskrá, og leyfa honum að stýra tveim vinsælustu sjónvarpsþáttum á Íslandi, brjóti ríkisútvarpið ehf landslög!  Það á að sjálfsögðu ekki að viðgangast að ríkisútvarpið ehf sé með vinsælt sjónvarpsefni á dagskrá sinni.  Og enn síður, að það sé stjórnandi sem ekki tilheyrir halelúja-kór litlu svörtu klíkunni (samsafn götustráka í FLokknum), sem sé svo vinsæll meðal alþýðu manna!  Slíkt má einfaldlega ekki viðgangast! 

Áfram Hannes og Ástþór!

Heilbrigðiseftirlit Reykjavíkur leggur stein í götu suðvesturlínu!

Það er nóg að að hafa áhyggjur.  Það er að sjálfsögðu steinn í götu frelsis stóriðjusinna.  Því auðvitað á þeim að vera frjálst að valsa hér um landið með sínar virkjanir og iðjuver, hvað sem okkur hinum finnst.  Sama frelsis  og "fjárglæframenn" Íslands nutu, hvað sem okkur hinum fannst, sem efumst um hið algera frelsi!

Heilbrigðiseftirlit lýsir yfir áhyggjum vegna vatnsverndarsvæðis

"Hér fljótum við eplin, sögðu hrossataðskögglarnir."

Sagði Ólína um stjórnarandstöðuna.  Það er hálfdapurlegt að hlusta á Bjarna Ben og Höskuld Noregsfara.  Sigmund Davíð þarf varla að  nefna lengur.  Þeir teljast seint meðal beittustu kutanna í skúffunni, þessir þrír helstu talmenn þeirra flokka, sem færðu einkavinum sínum bankana á silfurfati.  Síðan það gerðist hefur stefnt hægt en örugglega að því hruni, sem þjóðin hefir verið stödd í um eins árs skeið.  Enda mottóið "Það er kannski best að gera ekki neitt."  Allskyns fjárglæframenn og skúrkar hafa fengið frítt spil með velvilja og velþóknun Framsóknar og SjálfstæðisFLokks.

Það er náttúrulega orðum aukið að Sjálfstæðisflokkurinn eigi einn allt Icesave-klúðrið.  Framsókn á sinn hlut af því endemismáli.

Bjarna Ben og Sigmund þyrstir í völdin valdanna vegna.  Hagsmunir þjóðarinnar vega létt í  máttlausri baráttu þeirra.  Aðeins eitt skiptir þá mál, völdin.  Og þá hlýtur maður að spyrja sig þeirrar spurningar,  hvort þessum kónum sé treystandi fyrir landsstjórninni.  Svarið er einfaldlega nei!  Þeir hafa ekki mannkosti, reynslu eða þekkingu til þess.  En fyrst og fremst skortir þá þá mannskosti, sem þarf.  Það er ljóst af málflutningi þeirra öllum!  Auk þess standa sömu eiginhagsmunaklíkurnar á bak við þessa flokka.  S-hóparnir og ýmsir menn "í talsambandi við FLokkinn."  Sömu fjárglæframennirnir eru enn á kreiki í skúmaskotum helmingaskiptaflokkanna og áður!  Bæði þessir, sem verið er að rannsaka, og hinir sem hafa sloppið fram að þessu!

Þung orð falla um Icesave

Já, hvar eru auðmenn Íslands, já og stórfyrirtækin á landinu!

Hér hefur allt orðið vitlaust, ef orðaðir eru sérstakir skattar á auðmenn og fyrirtæki þeirra, að ég tali nú ekki um útlend fyrirtæki alþjóðlegra auðhringa.  Hægrimenn og hagsmunasamtök íslenskra kapítalista hafa risið upp og mótmælt. Nei,  þeir vilja ekki borga hærri skatta, hafa enda vanist við tilveruna í skattaparadísinni sem frjálshyggjumenn komu hér á.  Þeir vilja að launfólk borgi  skatta en ekki þeir!

Þvílíkur aumingjaskapur!

Þýskir auðmenn til bjargar - hærri skatta takk!

Prúðuleikarar einkavæðingarstjórnarinnar.

Á síðu Sigurðar G. Guðjónssonar á "Pressunni" má lesa ýmislegt skemmtilegt, einsog leikritið um einkavæðingu Búnaðarbankans og um Davíð og Pukrið og fleira skemmtilegt!

http://www.pressan.is/pressupennar/LesaSigurdurG/pruduleikararnir

Þorgerður í Kastljósinu: "Sýning fyrir fávitana."

Les á www.jonas.is

Nýmæli?

Verður ekki að ætlast til að formaður Framsóknarflokksins hafi kynnt sér stöðu fjármála ríkisins, og þar með skuldir.  Nóg hefur hann tjáð sig um málið með sínum háværa hætti.  Nú hefur hann opinberað á Alþingi að hann hefur ekkert vitað um hvað hann var að tala, þegar hann hefur tjáð sig um ríksfjármálin.  Kannski veit hann ekki heldur hverja sök flokkur hans ber á uppbyggingu fjármálakerfisins, sem hrundi í haust.  Hins uppblásna svikamyllukerfis, sem hófst með einkavinavæðingu bankanna, og var látið hér nánast eftirlits- og afskiptalaust á ábyrgð Framsóknar- og Sjálfstæðisflokksins!

1.000 milljarða lán í biðstöðu