Þvílíkar kerlingar!

Það var kostulegt að horfa á Kastljósið í gærkvöldi!  Hannes Hólmsteinn og Gunnar Smári mærðu DO.  Gunnar Smári taldi engan betur til þess fallinn en DO til að  stjórna neyðaraðgerðum í efnahagskrísunni.  Krísan er mun dýpri og alvarlegri hér á landi en víðast hvar annarsstaðar.  Ástæðan er peningamálastefnan og aðgerðarleysi  Seðlabankans og ríkisstjórnarinnar.  Og svo er aðal brennuvargurinn talinn best til þess fallinn að stjórna slökkvistarfinu.  Hlálegt!

Hannes Hólmsteinn kveinkaði sér undan Seljan og hélt því fram að hann reyndi að setji sig í þriðja gráðu yfirheyrslu.  Og að menn hefðu áður lent í þannig trakteringum í Kastljósi.  Ja, hérna hér!  EF mönnum er ekki strokið, einsog nýfæddum ketlingum, þá á það að heita þriðju gráðu yfirheyrsla!  Væl er þetta!

Þorsteinn Már kallaður á teppið?

Getur verið að Þorsteinn Már hafi verið tekinn á teppið Bláu Handarinn?  Miðað við hvernig hann, og fleiri hluthafar, hefur talað áður sýnist mér að einhver hafi sett á hann þumalskrúfurnar!  Og allar hina stóru hluthafana!  En kannski vita þeir, að þeim sé  best að forða sér bara og ríkið hirði góssið, hver veit?  Einkennilegt! Mennirnir, sem hafa talað af heilagri vandlætingu um framkomu Seðlabankans og ríkisins um síðustu helgi, og yfirtöku og bankarán, hafa nú beygt sig eða hafa verið beygðir til að samþykkja allt sem þeir áður töldu af og frá.  Hvað er í gangi, ég bara spyr!

Hvetur hluthafa Glitnis til að samþykkja tilboð ríkisins

Á botninum?

Þetta sagði Geir H. Haarde þjóðinni í vor og hver er staðan.  Heyrst hefur að fyrirtæki sem eiga fé séu umvörpum að koma því úr landi.  Leyti til þess allra leiða.  Sáralítill gjaldeyrir er að öðruleyti til í landinu vegna sofandaháttar ríkisstjórnarinniar og valdabrölts DO í Seðlabankanum.  Það getur vel verið að Vilhjálmi finnist að ekki sé hægt að komast neðar.  Og það er alveg rétt hjá honum!  En ef marka má ýmsa hagfræðinga er niðursveiflan í hagkerfinu rétt að byrja.  You have seen nothing yet!  Og það er langt til botns!

Telur botninum náð

Evrópusambandið.

Auðvitað eigum viða að drífa okkur í Evrópusambandið.  Ákveða strax að undirbúa viðræður og taka til í efnahagslífinu.  Af þeirri einföldu ástæðu að íslenskir pólitíkusar eru ekki þeim vanda vaxnir að stjórna landinu.  Sækjum um aðstoð frá Evrópusambandi við að koma málum okkar í lag og sækjum svo um.  Og um að gera að gera okkur ekki breiða í viðræðunum.  Kvótinn er allur kominn á fárra hendur.  Til manna sem stendur nákvæmlega um hag annarra.  Svo það skiptir þjóðina þannig séð ekki nokkru máli hver veiðir fiskinn.

Getuleysi íslenskra stjórnvalda er öllum ljós, nema þeim sjálfum!  Burt með þetta lið! 

Evran ekki á dagskrá

DO, svo...

Það er ljóst að ekki eru allir jafn hrifnir af DO, og hann sjálfur og Agnes!

Seðlabankastjóri viðrar hugmynd um þjóðstjórn

Á ríkissjóður að taka þátt í áhætturekstri á samkeppnismarkaði? Verður DO næsti forsætisráðherra eða verður hann bankastjóri Glitnis?

Því hefur lengi verið haldið fram af Sjálfstæðismönnum, að ríkið og önnur opinber fyrirbæri eigi ekki að taka þátt í rekstri á samkeppnismarkaði.  Slíkt hefur verið talið óásættanlegt vegna þeirrar áhættu sem það skapar í fjárhag ríkis og sveitarfélaga.  Einnig hefur það verið talið skekkja samkeppnisstöðu á samkeppnismarkaði, að hið opinbera standi að slíkum rekstri.  Eitthvað virðist hafa breyst.  Nú verja hægriöfgamenn og frjálshyggjusinnar þjóðnýtingu Davíðs Oddssonar á Glitni með öllum mögulegum og ómögulegum rökum.  Foringinn hefur talað! 

Stefnir í að Landsbankinn eignist Glitni?  Og er þá þjóðnýting liður í því möndlu til að koma því þannig fyrir?  Á Seðabankastjóri að taka þátt í þvílíku?  Eða er Landsbankinn á leið í þrot líka, einsog háværar raddir hafa verið um undanfarna daga!  Því hefur verið haldið fram með rökum, að bæði Landsbankinn og Straumur rói lífróður til að bjarga sér fyrir horn.  Hvorirtveggja hafi tapað stórfé á ýmsu brölti sínu.  Má þar nefna Eimskip og Nýsi.  Eignatilfærslur milli félaganna síðustu daga bendi til þess, að staðan sé allt annað en góð.

Davíð Oddsson er sagður muna í þjóðstjórn.  Hann er sagður hafa talað um slíkt "að minnsta kosti tvisvar sinnum" síðustu daga.  Guð forði þjóðinni frá  því að hann setjist í slíka stjórn! Meirihluti þjóðarinnar er búinn að fá gersamlega uppí kok af þeim manni.  Jafnvel þó svo Agnes Bragadóttir fái einkennlegan glampa í augun, þegar nafn hans ber á góma!

Davíð Oddson er ekki sá snillingur sem af er látið.  Frammistaða Seðlabankans er óræk sönnun um það!  Meðan þjóðarskútan brennur stafnanna á milli virðist bankastjórinn velta fyrir sér, hvort hella eigi að meiri olíu á eldinn.

Í stað þess, að DO setjist í þjóðstjórn, meirihluta þjóðarinnar til ama, og öllum til skaða,  væri mun betur við hæfi, að hann settist í bankastjórastólinn í Glitni í stað þrjúhundruðmilljónamannsins, Láruss Weldings, sem hefur ekki reynst það fjármálaséní, sem af var látið.  Davíð getur þá sýnt "snilli" sína og unnið sig útúr þeirri fátækt, sem hann telur sig hafa lent í, þegar hann hóf afskipti af stjórnmálum.  Það væri þá fyrstu merki um snilligáfu hans.  Að ræna bankanum af eigendum hans með yfirtöku og setjast svo í bankastjórastólinn.  Er ekki best að hann fá allan pakkann fyrst hann er farinn af stað!

Kapítalisminn á brauðfótum! Spá frá 23. febrúar!

 

23.2.2008 | 22:16

Kapítalisminn á brauðfótum!

 

 

Öðru vísi mér áður brá.  Hvað eru margar vikur síðan Geir og nær öll þjóðin fékk stjörnur í augun, ef minnst var á bankaburgeisana og allt hitt "útrásarliðið"?  Máttu varla vatni halda.  En um leið og á móti blæs ætlar allt að kikna af áhyggjum.  Kreppa, kreppa. 

Kannski við eigum eftir að fá umræður um þjóðnýtingu?  Fá ríkisbanka á ný?  Verður þá Baugur Group, FL group og GROUPGROUP etc. þjóðnýtt líka?  Viðskiptamódel hvað?  Það er ekkert að viðskiptamódelinu.  Kapítalisminn stendur einfaldlega á braufótum, nú sem áður!  Og óþarfi að kenna sparisjóðsstjórum í dreifbýli BNA um ástandið.

Og óþarfi að fá hland fyrir hjartað.  Horfumst í augun við sannleikann.  Kapítalisminn stendur á brauðfótum og hefur alltaf gert.  Þetta vita Bretar.  Þeir taka fram löngutilbúnar áætlanir um þjóðnýtingu til að bjarga kapítalistum í klípu.  Vanir menn.  Hér á landi grípa menn varla til slíkra ráða, heldur munu ráðamenn sitja tárvotir í hlandpollinum meðan allt fer til fjandans.  Ef það fer þá til fjandans.  Sem ég er reyndar að vona.  Nú sé komið að svanasöng kapítalismans

Að sönnu hefur nú DO gripið til sinna ráða og tekið hin raunveruleg völd í landinu í sínar hendur, sbr. orð hans á RÚV hér að neðan í bréfi HH.  Jafnvel hið helgasta vé kapítalismans, einkaeignarrétturinn, er svívirtur, svo ég tali nú ekki um blessað lýðræðið, sem bara flækist fyrir þegar stórhuga menn er annarsvegar!

Er búið að afnema lýðræðið á Íslandi, ásamt einkaeignarréttinum? Bréf HH.

 

Bréf HH: 

"Kæru viðtakendur.

Atburðir morgunsins segja manni að hér starfi hvorki þing né ríkisstjórn. Eitt stærsta fyrirtæki landsins er þjóðnýtt í nafni ríkisstjórnar Íslands en forsætisráðherra er ekki í aðalhlutverki heldur situr í farþegasætinu og fjármálaráðherra í aftursætinu ... Og Alþingi er einhverstaðar víðs fjarri. Bara hóað í nokkra þingmenn til að vera vitni að aðgerðinni.

Hver fer með æðsta vald á Íslandi?

Ein stærsta aðgerð okkar daga er framkvæmd án umræðu, án sýnilegrar aðildar annars ríkisstjórnarflokkanna. Hvar er Samfylkingin? Í Bandaríkjunum hefur umræða um svipaða aðgerð staðið látlaust í tíu daga. Fyrir opnum tjöldum. Hér er allt í leyni. Og svo er ákvörðuntekin af ... já, af hverjum? - á lokuðum fundi seint um nótt. Minnir óneitanlega á aðra stóra ákvörðun, sem tveir menn tóku fyrir nokkrum árum.

Til hvers vorum við að kjósa fyrir rúmu ári síðan?

Geir gufaði endanlega upp sem forsætisráðherra um helgina. Hér er hvorki starfandi þing né ríkisstjórn. Við erum bara með Seðlabankastjóra, sem ræður, og Silfur Egils, fyrir umræðuna.

Svo bætast við sögur um að Glitnir hefði beðið um aðstoð Seðlabanka í síðustu viku en DO neitað honum um það, nema hann fengi að yfirtaka bankann. Davíð yfirtekur banka Baugs ... Hversu traustvekjandi aðgerð er það? Ekki mjög, eftir að stjórnarformaður Glitnis talar í viðtali við Stöð 2 eins og bankanum hafi verið rænt af sér. Á meðan birtist viðskiptaráðherra dreyrrauður í viðtali við sömu stöð og talar eins og hlutlaus áhorfandi. "Með þessu er ríkisstjórnin að sýna að hún lætur ekki banka fara í þrot." Hann hefði fremur átt að segja: "Með þessu sjáum við að Samfylkingin hefur engin áhrif í ríkisstjórn sem að auki er í vasa Seðlabankastjóra."

Í hádegisfréttum RUV sagði svo Davíð: "Seðlabankanum verður svo bætt þetta upp með ákvörðun Alþingis, væntanlega." Já, væntanlega. Hver ræður á Íslandi í dag?

Ég get ekki betur séð en að ríkisstjórnin sé ónýt. Seðlabankinn hefureignast 75% hlut í henni.

Ég sofnaði í lýðræðisríki í gærkvöldi en vaknaði í konungsríki í morgun."

Stóra bankaránið.

Engum blöðum er um það að fletta að hlutafjáreigendur í Glitni verða rændir, ef þessi eignaupptaka nær fram að ganga.  Sumt sem haldið  hefur verið fram í umræðunni heldur reyndar ekki vatni.  Tökum eitt dæmi.  Talað er um hvílík áhætta hefði fylgt því að lána Glitni 84 milljarða gegn veðum.  Fjármálaeftirlitið hefur sagt að eignasafn Glitnis sé traust og ekki skorti eigið fé.  "Sérfræðingar"  Seðlabanka telja, að veð hafi ekki verið nógu traust.  Því tala menn um, að fari allt á versta veg sé það ábyrgðarhluti að lána bankanum þessa fjárhæð.  Betra sé, að ríkissjóður eignist 75% í bankanum og borgi 84 milljarða fyrir.  Eignir annarra hluthafa rýrna um sömu prósentu (75%) við gjörninginn.  Fjölmargir, bæði einstaklingar og fyrirtæki, munu lenda í vandræðum vegna rýrnunar eignar sinnar í bankanum, ekki bara Stoðir.  Ævisparnaður einhverra er gerður upptækur.

Fari allt á versta veg, og það veit enginn nú,   þá tapast þessir 84 milljarðar,  hvort sem ríkissjóður á hlut í bankanum eða lánar bankanum einfaldlega þessa peninga.  Þar er enginn munur á!  Lán eða hlutafé!  Munurinn er sá, að við "yfirtökuna" er stór hluti (75%) eigna hluthafa gerður upptækur.  Komist bankinn í gegnum "krísuna" græðir ríkissjóður á öllu saman.  Takist ríkissjóði að selja á morgun græðir hann yfir 100 milljarða á brellunni.  Staðreyndin er, að hlutafjáreigendur verða rændir!  Ekki bara Jón Ásgeir og Vilhjálmur Bjarnason.  Heldur venjulegt fólk, lífeyrissjóðir og fleiri.

Nú vaknar sú spurning, hvort Björgólfur Guðmundsson ætlar að taka þátt í atlögu ríkisins að einkaeignarréttinum.  Eða er verið að tala þá feðga inná það, eða að ganga að Stoðum.  Hver veit?

Og alveg er eitt víst.  Meðan Davíð Oddsson situr í Seðlabankanum verður bankanum ekki treyst.  Ekki í þessu máli.  Og ekki við vaxtaákvarðanir.  Það traust er löngu fokið burt!

Moody's lækkar einkunn Glitnis

Allt er þá er þrennt er!

Það er þrennt sem við Íslendingar þurfum að losa okkur við hið snarasta!

1.  Huglausir og verkkvíðnir stjórnmálamenn.  Kannski stafar ótti þeirra af því skelfilegasta sem þeir geta hugsað sér:  Að tapa einhverju af völdum sínum.

2.  Ónýtur gjaldmiðill!  Krónan getur ekki staðið ein og óstudd.  Jónas Haralds útlistaði það rækilega í Silfrinu á sunnudaginn.

3.  Verðtrygging.  Fávísir benda á að þá sé lífeyriseign landsmanna í hættu.  Lífeyrissjóðirnir eiga minnsta af eignum sínum í verðtryggðum útlánum og á sparisjóðsreikningum, einsog sumir virðast halda.  Mest af eignum lífeyrissjóðanna eru í eignum, þar sem verðtrygging kemur ekki við sögu.  Íslendingar hljóta að geta hagað fjármálum sínum einsog siðað fólk,  þ.e. án verðtryggingar.

Í þessari röð!

 

Evra er ekki lausn á verðbólgu

Barnið á heimilinu: Enginn heimsendir, sjúbb!

Barnið á heimilinu var mikið fegin að heimurinn fórst ekki.  Var búinn að ræða þetta við hana aftiur og aftur, þar sem hún heyrði fréttirnar af þessu á RÚV.  Vísaði til heimsendaspámannsins sem skreið, ásamt fylgjendum sínum, ofaní holu austan Moskvu í desember.  Las með henni fréttaumfjöllun í Fréttablaðinu.  Hún lét ekki alveg sannfærast fyrr en hún tók á því. Svona líkt og Tómas, sem þurfti að setja fingur sinn í síðu frelsarans.  Kannski er blessað barnið búin að heyra í of mörgum heimsendaspámönnum á halelúja-samkomum.  Hér eftir trúir hún tæpast svona bulli...  Úlfur, úlfur...

Ritskoðun-blogg ehf. ALDREI AÐ VÍKJA!

Það er leitt til þess að vita, að æ fleiri yfirgefa nú þetta mogga-blogg vegna sífelldrar ritskoðunar.  Sum orð má ekki nota og sumum skoðunum má alls ekki halda fram.  Reyndar er það þannig, að  æ víðar og oftar eru þessir taktar hafðir í frammi.  Þeir sem eru einna duglegastir við þetta eru einkum þeir sem hrópa hæst um frelsið.  Nú þegar þeir geta ekki heimtað ritfrelsi í austurblokkinni gagnrýna þeir Kínverja meðan þeir eru sjálfir með ritskoðunarpennan á lofti.  Skuggi ófrelsisins teygir úr sér hér á vesturlöndum.  Yfirvöld fygjast grant með þegnunum.  Ritstjórar skammta frelsi á miðlum sínum.  En á maður að láta undan og hætta að setja skoðanir sínar fram.  Það held ég ekki.  Látum bara kvarta og ritskoða en víkjum ekki.  Gerum þessum sem vilja skerða tjáningarfrelsið það ekki til geðs!  Aldrei að víkja!

McCain, valfrelsið, konur og fátækir.

Þetta var í póstinum mínum.  Ákvað að birta þetta.

In his nomination acceptance speech last night, Senator John McCain said, "We believe in a government ... that doesn't make your choices for you, but works to make sure you have more choices to make for yourself."

But John McCain has spent his career removing women's right to choose! >>

This comes as a surprise to those following the Republican convention, where neither he nor vice presidential candidate Sarah Palin admitted their anti-choice beliefs to the American public.

Indeed, McCain's anti-choice policies come as a surprise to many of his supporters. A recent poll says half of all female McCain supporters are pro-choice, and more than 70 percent of those incorrectly believe McCain is, too.

Throughout his service in the Senate, however, McCain has repeatedly voted to slash funding for low-income family-planning programs, against allowing women to obtain birth control and to take away women's right to choose.

Palin's record is no better, as she vehemently opposes abortion and used her line-item veto to eliminate funding for a program that would help pregnant teenagers in Alaska.

Shed light on McCain's anti-choice record >>

 

 

Slate and Newsweek political columnist Dahlia Lithwick recently wrote that "John McCain is banking on his reputation as an independent maverick to snooker voters into thinking that his abortion views are centrist, no matter what he actually says. It's a risky strategy: Don't believe what I say. Believe what you used to believe before I opened my mouth."

As a voter concerned with women's rights and healthcare options, I urge you to be straight about your views on this topic. That includes being straight on the fact that you have:

view more

* Voted anti-choice 125 out of 130 times in your congressional career.
* Voted to cut funding for the Title X (ten) family-planning program, which provides contraception and cancer screenings for low-income women.
* Voted against requiring insurance companies that pay for other prescription drugs, like Viagra, to pay equally for women's prescription birth control.
* Voted against measures to prevent unintended pregnancy.
* Voted for the global gag rule, which prohibits federally funded family-planning clinics from giving women full information about their reproductive-health options.
* Voted for and co-sponsored the Federal Abortion Ban.
* Voted to defund the United Nations group that provides family-planning services for poor women.
* Voted in favor of President Bush's anti-choice Supreme Court Justices like Samuel Alito and John Roberts, and pledged to nominate judges with similar pro-life views with the goal of overturning Roe v. Wade.

Sjúbb!

Var ekki þessi trúnaður bundinn við tvær vikur?  Ráðuneytið mun ekki svara fleirri yfirlýsingum frá samtökunum, segja þeir.  En bíðum við.  Eru möppudýrin farin að rífa kjaft.  Er þetta lið ekki í vinnu hjá þjóðinni.  Opinberir starfsmenn eru vinnuhjú þjóðarinnar og eiga því að hegða sér samkvæmt því.  Það er að minnsta kosti alveg lágmark að smávegis kurteisi sé viðhöfð af hálfu ráðuneytisins.  Hafi Breiðvíkur-samtökin rofið trúnað með því að birta frumvarpsdrögin/vinnuplaggið var ærin ástæða til.  Það sést nú best á upphæðunum sem bæturnar áttu að nema skv. því.  Eða átti kannski að læða frumvarpinu gegnum þingið rétt fyrir jól, einsog eftirlaunafrumvarpinu. Bæði eru jafn skammarleg!  En misvel skammtað!

Vonbrigði að fá ekki nauðsynlegt svigrúm

"Afsakiði meðana ég æli."

Þessi stúfur úr ræðu McCains, sem RÚV birti í fréttatíma sínum kom ælunni uppí kok á mér, enda ég nýbúinn að eta lambakótilettur.  Mærðarlegt þjóðernissinna-vælið var ámátlegt.  Þvílíkur tilfinningavaðall!  Heimurinn hefur lítið að gera með ríki sem stjórnast af öfgafullum þjóðernisbullum.  Það er kominn slæm reynsla á svoleiðis vitleysinga.  Kanar eru óskaplega veikir fyrir þegar kemur að svona áróðri.  Eitt enn.  Sögurnar sem þessi loddari, McCain, ber á borð eru sumar þvílíkt bull, að það nær ekki nokkurri átt.  Einsog það að hann hafi neitað að vera látinn laus, þegar Víetnamar ætluðu að sleppa honum!  Hann, sem, að eigin sögn, sætti stöðugum pyntingum!  Sá sem trúir svona rugli er eitthvað meira en lítið einfaldur.  Eða amríkani.  Nema hvort tveggja sé!  Sjá menn þetta ekki fyrir sér?  Til stendur í hræðilegum fangabúðum lengst inní skógunum að láta lausann hrakinn og margpyntaðan hermann.  Hann segir:  Nei, ég fer ekki fet!  Ég vil dvelja hjá mönnum mínum (hinum hröktu og margpyntuðu dátunum).  Kvalararnir hafa sjálfsagt velst um í rykinu af hlátri!  Eða bara hent hinum sjálfumglaða dáta útí skóg!  Varla hefur kvikindið verið farinn að stjórna þessum fangabúðum útí skóginum?  Hvílík hetja!

Metáhorf á ræðu McCain

Að velja sér vini.

 

Washington-stjórn hefur einkennilegan smekk, þegar kemur að vali á vinum.  Einu sinni var Saddam heitinn Hússein vinur þeirra Kana. Hann átti olíu. Svo réðst hann inní Kúweit með leyfi vinar síns Bush eldri.  Sá hafði hinsvegar gleymt að spyrja amríska olíuhringi og bankamenn um leyfi til að gefa leyfið.  Það leiddi til fyrra Flóabardaga.  Bush yngri vildi gera betur en pabbi sinn og sendi herinn inní Írak þvert ofaní ráð pabba gamla.  Sá Flóabardagi stendur enn, og mun víst gera um einhver ár enn.  Saddam kallinn er dauður og Írak á leið undir stjórn öfgafullra Islamista.  Þá var nú Saddam skárri.

   Nú er Kadaffí orðinn vinur Kana.  Hann er meðal annars sekur um fjöldamorð.  Og hann stóð víst á bak við Lockerbee-hryðjuverkið.  Þá var hann "glæpahundur", og ég veit ekki hvað.  Nú er hann boðinn velkominn í vinahópinn.  Hann á jú einhverja dropa af olíu, sem þetta snýst allt um.  Amrískir pólitíkusar láta sig hafa ýmislegt til að þóknast húsbændum sínum,  olíuhringum, vopnaframleiðendum, bankamönnum o.s.frv.

  Einu sinni var Osama bin Laden á launaskrá CIA.  Gamli Bush mun eitthvað hafa haft með það að gera.  Enda Bush-fjölskyldan í miklu vinfengi við þessa bin Laden-fjölskyldu.  Nú er Osama efstur á óvinalistanum.  Hann er einmitt skoðanabróðir þeirra sem koma til með að ráða öllu í Írak í framtíðinni.  Innrásin í Írak hefur getið af sér mikinn fjölda al Kaida sellna vítt og breitt um heiminn, en að sjálfsögðu flestar í Írak og nágrannalöndum þess. 

Heldur óhönduleg utanríkispólitík þetta hjá stjórninni í Hvítahúsinu og leyniþjónustu hennar, CIA.

 

Rice fundaði með Gaddafi

Ráðuneytið með allt niðrum sig, eða uppum sig, eða þannig?

Forsætisráðuneytið var gripið með allt niðrum sig í málinu, og harmar atvikið.  Nú hysja möppudýrin vonandi uppum sig og hegða  sér siðsamlega eftir þetta "leiðinda" atvik.  Vonandi að þjóðin komist upprétt frá þessu skelfilega máli.  En það er að sjálfsögðu undir því komið, að Breiðavíkurmönnum verði úrskurðaðar bætur, sem eru til einhvers annars en að skammast sín fyrir.  Og svo, að fórnarlömbunum verði veitt aðstoð til að greiða úr sínum málum.  Andlegum og félagslegum.  Peningaupphæðir verða ekki notaðar sem "plástur" á sálarsárin.  Eða til að leiðrétta stöðu þeirra félagslega sem nokkru nemi.  Aðstoð, í tilvikum sem þessum, þarf að vera á forsendum þeirra sem njóta, ekki þeirra sem veita hana.  Á það jafnt við um hina félagslegu, sem sálarlegu.  Hvað verður svo um Byrgisfólkið?  Félagsmálayfirvöld í Reykjavík eru búin að haga sér einsog endemis aular í því sambandi.  Sagan af samningi við Heilsuverndarstöðina ehf er aðeins toppurinn á ísjakanum í því máli.  Þar var samið við fyrirtæki í einkarekstri um reksturs áfangaheimilis fyrir heimilislausa sjúklinga.  Fyrirtæki sem hafði ekkert húsnæði undir reksturinn og það sem verra er, enga reynslu af eða þekkingu á meðferð fyrir þessa sjúklinga.  Tilboði SÁÁ, sem á húsnæði og býr yfir einni bestu þekkingu í heiminum á málinu, var hafnað!  Af pólitískum ástæðum!  Heilsuverndarstöðin er HF, hlutafélag,  SÁÁ ekki!

Birt án samþykkis ráðuneytis

Smáskitlegur aumingjaskapur! Andleg örbirgð valdsmanna.

Ég á eiginlega ekki orð til að lýsa því hvað mér finnst um þessa frumvarpsómynd sem forsætisráðherra leyfir sér að leggja fram í aumingjaskap sínum.  Það á reyndar það sama við um flest það, sem hæst ber í þjóðfélagi þessu nú um stundir.  Má þar nefna gersamlega ábyrgðarlaus ummæli ýmissa stjórnmálamanna um ástandið í þjóðfélaginu; stöðu efnahagsmála, kjaramálin verðbólguna, fjárhag venjulegra heimila í landinu o.s.frv.  Forsætisráðherra virðist lifa við einhvern allt annan veruleika en venjulegt fólk.  Hann áttar sig t.d. ekki á því að áhrif verðbólgunnar nú á fjárhag hins venjulega borgara gufa ekki upp, jafnvel þótt verðbólgan hjaðni á næsta ári eða því þar næsta.  Greiðslubyrði húsnæðislána hefur rokið upp, og hækkar enn, og hún lækkar ekki þó svo verðbólgan minnki einhvern tíma, Guð má vita hvenær.  Er Geir heimskasta möppudýrið?  Bætur til Breiðavíkur-fórnarlambanna eru móðgun og lítilsvirðing við mannlega skynsemi og reisn.  Geir leggur þetta fyrir þingið einsog ekkert sé sjálfsagðara.  Er hann heimskasta möppudýrið?  Heilbrigðisráðherra-fíflinu munar ekkert um að ljúga því uppí opið geðið á okkur, að hann geti ekkert gert vegna samningsgerðar við ljósmæður.  Þar er 2ja ára háskólanám til einskis metið í launum.

Davíð sagði bitur, þegar komið var að leiðarlokum hjá honum í pólitík (?), að sá sem færi útí pólitík væri dæmdur til fátæktar!  Í dag rann það upp fyrir mér, hvað hann átti við:  Sá sem kemst til valda lifir eftir það við andlega örbirgð! 

Telja bætur of lágar

Góðar fréttir fyrir Paul Ramses!

Það er Birni Bjarnasyni og ráðuneyti hans til mikils sóma, að senda mál Paul Ramses aftur til Útlendingastofnunar.   Nú er bara að vona, að sú stofnun sjái svo um að þau hjónin og barn þeirra geti eignast sómasamlegt líf.  Þá á ég við, að þeim verði get kleyft að setjast hér að, en verði ekki send útí óvissuna.

AÐSTOÐ BORGAR SIG!

Það má örugglega græða offjár á að veita "ríkum" fátæklingum ráðgjöf.  En  það er ekkert gleðiefni, að jafnvel milljón á mánuði geti ekki forðað Íslendingum úr fátæktargildrunni.  Ekki veitti mér af því að hafa svoleiðis tekjur.  Alltaf hækkar greiðslubyrðin, þökk sé Geira aðgerðarlausa!  Ætli geti verið, að enginn hafi sagt honum frá verðbólgunni?  Og hvernig hún leikur fjárhag heimilanna.  Honum finnst  altént alger óþarfi að taka lánið góða til að lappa upp á gengi krónunnar.  Sem var upphaflegur tilgangurinn með þessari heimuluðu lántöku, ekki að "bjarga bönkunum", einsog spunameistarar og fáfróðir skólamenn í amríku halda fram!

Tekjuhátt fólk í greiðsluvanda