Eitthvað sem ekki má?

 

Hvar er hann?

Bin Laden's Masterpiece

 

Bin Laden hvað?

 

Hann hefur ekki frétta af sögunni allri!

 

 

 

Önnur bók Móse 20:4

Þú skalt engar líkneskjur gjöra þér né nokkrar myndir eftir því, sem er á himnum uppi, eður því, sem er á jörðu niðri, eður því, sem er í vötnunum undir jörðinni.

Þriðja bók Móse 5:8

Þú skalt engar líkneskjur gjöra þér, engar myndir eftir því, sem er á himnum uppi, eða því, sem er á jörðu niðri, eða því, sem er í vötnunum undir jörðinni.

P.s. Vegna leti þá nenni ég ekki að setja niður hugrenningar um lögmálið, kristna bókstafstrúarmenn, lögmálsdýrkendur og stráka, sem telja hreinan óþarfa að sýna meðbræðrum sínum tillitssemi, í þessu tilfelli Múslimum. 

 

Bin Laden hótar Evrópu

Það missti sína makt í því,....

 Úr 45.  Passíusálmi.

"Sekt þá sem lögmál setti mér
saklaus borgaði Jesús hér.
Það missti sína makt í því,
mig verður nú að láta frí.
Dauðans broddur var brotinn þá
burt hans fangelsi slapp ég frá."

 

Kærleikssiðfræði eða lögmálssiðfræði?

 

   Hvað oft frelsarinn sniðgekk þær reglur og þau lögmál sem ríktu í samfélagi Gyðinga á hans tíma vitum við ekki, en um nokkur slík dæmi má lesa í Guðspjöllunum. Þetta gerði hann til að undirstrika boðskap sinn. Mér er alveg óskiljanlegt, að við kristnir eigum að lifa í skugga lögmáls Gyðinga. Ætli færi þá ekki að fara um marga. Á að lífláta fólk í samræmi við lögmálið, þar sem það á við samkvæmt lögmálinu? Eiga konur að þola að undirgangast þær reglur, og framkomu, sem viðhafðar voru skv. Gamla Testamentinu? Eða eigum við að týna til eitthvað sem hentar okkur í það og það skiptið? Má nefna afstöðina til mála eins og stofnfrumurannsókna, afstöðuna til samkynhneigðra, prestsþjónustu kvenna o.s.frv. Kannski má eiga von á sömu afstöðu til þeirra sem uppvísir verða af hórdómi, til réttinda kvenna, til mágaskyldunnar, til sjúkra og fatlaðra (þeir eru taldir syndarar, þessvegna eru þeir sjúkir eða fatlaðir). Sjálfsagt mætti halda áfram til eilífðarnóns, en mig brestur þekkingu til að telja upp allar þær reglur og lög sem gamla lögmálið býður mönnum að búa við. Mér skilst að lögmálsþrælkunin leggi á menn að fylgja nær 600 reglum og lögum í sínu daglega lífi, og þá er ekki verið að tala um mannanna lög, heldur lög og afleiddar reglur gamla lögmálsins. Kristnir lögmálsdýrkendur leggja mikla áherslu á gamla lögmálið, en virðast gleyma nýja lögmálinu sem Jesú færði okkur, að minnsta kosti er þeim ekki jafn tíðrætt um það sumum. "Kjarni kenningarinnar um guðsríkið, að það væri komið í Jesú og með honum, varð til þess að Jesú hafnaði lögmáli gyðinga, eða uppfyllti það eins og hann sjálfur sagði.......Eina boðorðið sem einhverju skipti að dómi Jesú, var að elska guð og náungann eins og sjálfan sig, hið tvöfalda kærleiksboðorð. Í stað lögmálssiðfræði kom kærleikssiðfræði. Áður hafði maðurinn þurft að fylgja lögmáli til að frelsast. Nú skyldi kærleikurinn settur í öndvegi" (Þórhallur Heimisson, Hin mörgu andlit trúarbragðanna).

Hatur vekur illdeilur, en kærleikurinn breiðir yfir alla bresti. Viska er á vörum hyggins manns, en á baki hins óvitra hvín vöndurinn. (Orðkviðirnir 10, 12-13). Þó ekki vöndur lögmálsins eða hvað?    

Fyrst birt 22.11.2007.  Endurbirt af ærnum ástæðum.                          

Kapítalismi á brauðfótum!

 

   Ákvað að vekja upp þennan draug í tilefni dagsins!

Öðru vísi mér áður brá.  Hvað eru margar vikur síðan Geir og nær öll þjóðin fékk stjörnur í augun, ef minnst var á bankaburgeisana og allt hitt "útrásarliðið"?  Máttu varla vatni halda.  En um leið og á móti blæs ætlar allt að kikna af áhyggjum.  Kreppa, kreppa. 

Kannski við eigum eftir að fá umræður um þjóðnýtingu?  Fá ríkisbanka á ný?  Verður þá Baugur Group, FL group og GROUPGROUP etc. þjóðnýtt líka?  Viðskiptamódel hvað?  Það er ekkert að viðskiptamódelinu.  Kapítalisminn stendur einfaldlega á braufótum, nú sem áður!  Og óþarfi að kenna sparisjóðsstjórum í dreifbýli BNA um ástandið.

Og óþarfi að fá hland fyrir hjartað.  Horfumst í augun við sannleikann.  Kapítalisminn stendur á brauðfótum og hefur alltaf gert.  Þetta vita Bretar.  Þeir taka fram löngutilbúnar áætlanir um þjóðnýtingu til að bjarga kapítalistum í klípu.  Vanir menn.  Hér á landi grípa menn varla til slíkra ráða, heldur munu ráðamenn sitja tárvotir í hlandpollinum meðan allt fer til fjandans.  Ef það fer þá til fjandans.  Sem ég er reyndar að vona.  Nú sé komið að svanasöng kapítalismans. 

Fyrst birt 23.02.2008 

HVERSVEGNA ERU HÆGRI-BLOGGARAR FÚLIR ÚTÍ HÆSTARÉTT?

Nokkuð hefur borið á harðri gagnrýni sumra bloggara á dóm Hæstaréttar yfir Hannesi Hólmsteini, og Hæstarétt yfirleitt!  Er helst að skilja að dómarar kunni ekki að dæma að lögum.  Kannski er ekki sama hver er.  Allavega eru þessir bloggarar fúlir og tala um háðung Hæstaréttar, Hæstarétt á lágu plani o.s.frv. í þessu máli Hannesar.  Miðbæjaríhaldið segist ekki bera neina virðingu lengur fyrir Hæstarétti; vonandi að hann komi því til skila á næsta fundi í Valhöll (Miðbæjaríhaldið mætir víst á alla fundi Sjálfstæðisflokksins í Reykjavík).  Hann hlýtur þá að tilkynna þetta þeim Jóni Steinari og öðrum náfrændum forystumanna Sjálfstæðisflokksins.  Andrés Magnússon er víst innanbúðarmaður hjá íhaldinu.  Verður tekið til í Hæstarétti í framhaldinu?

Hvað er það sem veldur þessum vonbrigðum hægrimanna?  Hverjir hafa farið með skipunarvaldið síðustu áratugina?  Eiga dómarar Hæstaréttardómarar ekki að dæma að lögum?  Eða eiga þeir að dæma eftir einhverju öðru?  T.d. flokksskírteini?  Hafa þá ráðherrar Sjálfstæðisflokksins ekki vandað sig nóg við val á dómurum í Hæstarétt?  Eða á dómurum svona yfirleitt?

P.s.  Ég er  ekki löglærður og ekki vanur að lesa dóma og forsendur þeirra.  En ég reikna bara með að dómarar Hæstaréttar reyni að vinna vinnuna sína sómasamlega.  Jafnvel þegar ég er ekki sáttur við niðurstöðuna.

Að hafa fé af börnum! Einelti alla leið inní dómssalina?

Ég verð nú að segja, að mér finnst nú ekki vera hægt að komast neðar! 

Skipulagt einelti?

Ég spyr:  Er þessi kennari í Mýrahúsaskóla einhverskonar óviti?  Miðað við lýsingu á málsatvikum er mér nær að halda það.  Bera kennarar enga ábyrgð á flumbrugangi sínum í starfi?  Hvernig stóð á því að barnið þurfti að leita skjóls fyrir samnemendum sínum í kennslustund að kennaranum viðstöddum?  Ber kennurum ekki skylda til að halda uppi aga í kennslustundum?  Var enginn stuðningsfulltrúi eða skólaliði í kennslustofunni?  Var ekki talin þörf á því?  Átti kennarinn enga sök á því hvernig fór?  Eða skólinn?  Er einelti látið viðgangast í þessum skóla?  Eða telst allt í lagi að níðast á þeim sem er ekki nákvæmlega einsog við hin? 

Ég hélt að það væri liðin tíð, að níðst væri á fötluðum!  Kannski hefur framþróunin gleymt skólanum á Nesinu?

Spurning um hvort ábyrgðartryggja eigi börn í skólastarfi

Gömlu dagana gefðu mér!

Í þá gömlu góðu felldu ríkisstjórnir gengi krónunnar handvirkt.  Gengisfellingar voru þá algengar 20-30%.  Þá voru það amlóðar í rekstri sjávarútvegsfyrirtækja á Súðavík, Suðureyri og Bolungarvík, sem þurftu gjarnan á gengisfellingum að halda svo þeir gætu haldið áfram að þykjast vera ríkir og gætu áfram litið niður á almúgann.  6-7% lækkun á gengi krónunnar hét í þá gömlu góðu daga gengissig. Þá var étin soðning 5-6 daga vikunnar og steik á sunnudögum.

Hér rétt fyrir neðan er blogg mitt um draum styrma Hádegismóa og Valhallar um þá gömlu góðu daga og endurreisn alræðis Kolkrabbans:  Þjóðnýting bankanna að hætti Kremlverja.

Mesta gengisfall á einum degi

Málefnalegur ráðherra...

...Þeir sem gagnrýna stöðu heilbrigðismála eru ekki í jafnvægi!?  Jasso!

Gulli er önnum kafinn við að bjóða út rekstur í heilbrigðiskerfinu.  Um daginn bauð hann rekstur deildar á Landakoti.  Öll tilboð einkaaðila voru mun hærri en sem nemur núverandi kostnaði!  Svoleiðis fór um sjóferð þá. 

Á Landspítala Háskólasjúkrahúsi er mannahald allt í háalofti vegna þess að stjórnendur skilja ekki einföldustu atriði mannlegra samskipta, heldur rúlla yfir starfsmenn háa sem lága.  Þeir ættu að byrja á því að afleggja þennan frjálshyggju-stjórnunarstíl, sem einkennist af yfirgangi og frekju.  Samtöl við starfsmenn skila betri árangri í stjórn fyrirtækja, en valdboðsleiðin! 

Skrýtið hvað sumir ráðherrar taka mikið meira mark á OECD en aðrir!  Sú stofnun sendi frá sér skýrslu sem sýndi (það sem margir hafa vitað) svart á hvítu skattpíningu Sjálfstæðismanna á fátæklingum á Íslandi.  Fjármálráðherrann rífur kjaft skv. venju.

Mér er spurn:  Hver er metnaður Guðlaugs Þórs Þórðarsonar í heilbrígðismálum?  Er hann einhver?  Þ.e. einhver annar en frjálshyggjuórar? 

 

Eins og þingflokkur VG sé ekki í jafnvægi

Er Fox hlutlaus og réttlát? Það er Ku-Klux-Klan líka!

Fréttastöð hægriöfgasinnaðra kristinna bókstafstrúarmanna!  Til hvers á svartur stjórnmálamaður að mæta þar í viðtal.  Afhverju þá ekki á afskekktan næturfund Ku-Klux-Klan?  Það er náttúrulega von að lygamörðurinn MacCain sé einsog svartur köttur á Fox.  Þetta eru skoðanabræður hans, flokksbræður og vinir.  Og Hillary er svo sem ekki langt í burtu í skoðunum sínum og þjóðfélagsstöðu.

 

Fox reynir að svæla Obama út úr greninu

My Lai. 16. mars 1968.

Nú eru 40 ár síðan Bandarískar "frelsishetjur" myrtu yfir 500 manns í þorpinu My Lai í Víetnam, börn, konur, karla og gamalmenni.  Þrír vopnabræður þeirra stöðvuðu fjöldamorðingjana og máttu þakka fyrir að vera ekki myrtir líka.  Ég man ekki betur en Morgunblaðið, blað allra landsmanna, hafi fagnað og talið þetta nokkuð góðan árangur hjá her BNA.  Yfir 500 Víetcong-liðar felldir í einu.  Þ.e.a.s. þar til flett var ofan af þessu voðaverki sem viðbjóðslegum stríðsglæp.  Víetcong var samheiti vestrænna fjölmiðla yfir Víetnömsk fórnarlömb bandaríska innrásarliðsins, gilti einu hvort um lítil börn, gamalmenni eða hermenn Frelsishers Víetnama var að ræða.  Og alltaf birti Mogginn fréttir afþví að her BNA hefði fellt svo og  svo marga Víetcong-liða.  Janfvel þótt hinir föllnu væru lítil skólabörn.  Þegar þetta er skrifað hefur mbl.is ekki minnst einu orði á að 40 ár eru liðin frá þessum fjöldamorðum vinanna í Vestri.

Ég sá einhverntíma sjónvarpsmynd um heimsókn þyrluflugmannanna 3ja, sem stöðvuðu morðingjana, til My Lai.  Það voru tregablandnir fagnaðarfundir eftirlifandi þorpsbúa og björgunarmanna þeirra.

Þessir atburðir í My Lai voru ekkert einsdæmi, þó fjöldi hinna myrtu óvenju mikill!

Það er kannski ekki vanþörf á að rifja upp sögu Víetnamstríðsins í ljósi framkomu BNA í heiminum í dag.  Með vopnavaldi vilja Bandaríkjamenn enn kúga þjóðir til að tileinka sér hugmyndafræði og stjórnmálakerfi, sem eru þessum þjóðum gersamlega framandi.  Og enn þurfa vænisjúk stjórnvöld í Bandaríkjunum á óvinum að halda!

Þjóðnýting bankanna að hætti Kremlverja!

 bloggaði ég um hugsanlega umræðu um þjóðnýtingu bankanna.  Nú er sú umræða hafin í Mogganum.   Umræðan þar virðist snúast um að færa stjórnmálamönnum sín gömlu völd.  Virðist sem ráðsmenn í Hádegismóum, Seðlabanka og Valhöll sakni hinna gömlu valda sinna þegar þeir og Framsóknarmenn höfðu einskonar hreðjatak á öllu þjóðlífinu, efnahagslífið meðtalið.  Þeir réðu því hverjir fengu framgang í þjóðfélaginu öllu, hvort heldur var í menningu eða viðskiptum.  Þegar gerspilltir stjórnmálamenn höfðu líf og hamingju venjulegs fólks í hendi sér.  Gátu rústað afkomu einstaklinga og  heillra byggðarlaga ef þeim bauð svo við að horfa.  Fólk átti það undir skapsmunum valdsmanna hvort það lifði góðu lífi eða slæmu.  þegar menn þurftu að standa í röðum til að komast að borði bankastjóra og urðu að gráta út lán.  Gjaldeyrisskömmtun var í höndum kommissara stjórnsamra íhaldsflokka, Sjálfstæðisflokks og Framsóknarflokks.  Menn urðu að hafa farseðla sína meðferðis til að fá gjaldeyrisskaskammtinn sinn, sem dugði ekki fyrir brýnustu nauðsynjum í útlöndum  Gjaldeyrir var svartamarkaðsvara.  Skömmtunarskrifstofur alskonar voru reknar sem útibú frá flokksskrifstofum.  Leyfi þurfti til alls og fengust leyfin á þessum skömmtunarskrifstofum.  Símar stjórnmálamannanna voru þeirra valdatæki.  Með símtölum gátu þeir kippt fótunum undan fólki eða hlaðið undir það eftir atvikum og skapi þann daginn.

Nú ræða styrmar landsins um nauðsyn þess að þjóðnýta bankana og færa völdin yfir þeim aftur til stjórnmálaflokka.  Það er einsog stjórnmálamennirnir sakni hinna gömlu og "góðu" daga.  Er það þetta sem Styrmir Gunnarsson ræðir af fullri alvör í Reykjavíkurbréfi?  Endurrreisn Ráðstjórnar Moggans og Valhallar?

Í ekki-fréttum er þetta helst!

Þetta er nú eiginlega enn ein ekki-fréttin af húsnæðismarkaðnum.  Sífellt hlaupa blaðamenn til og tala um samdrátt og verðlækkanir á þessum markaði.  Það getur svosem vel verið að nú sé komið að verðlækkunum, það á eftir að koma í ljós.  En að lækkun í einum mánuði hafi einhverja merkingu í þessu sambandi er af og frá.  Í október og desember 2006 var mæld lækkun á vísitölu íbúðarverðs.  Það þarf ekki mikið frávik í verði til að hækka eða lækka þessa vísitölu.

Varðandi samdrátt á markaðnum, og jafnvel hrun, er það að segja að markaðurinn hefur ekki verið í eðlilegu ástandi.  Það hljóta að vera takmörk fyrir því, hvað sömu manneskjurnar þurfa, og eru viljugar, að skipta oft um húsnæði á lífsleiðinni.  Að markaður húsnæðis færist smátt og smátt í eðlilegt horf telst varla til kreppueinkenna.

Svokallaðir fasteignaheildsalar geta skekkt mælingu á vísitölu íbúðaverð.  Kaupi slíkur kaupandi nokkrar tiltölulega stórar og dýrar eignir á sama tíma getur það leitt til hækkunar vísitölu og sýnt mikla aukningu á veltu.  Haldi hann svo að sér höndum í annan tíma hefur það þveröfug áhrif.

Það er margt, sem getur breytt tölfræðinni á þessum markaði án þess að um viðvarandi breytingu sé að ræða.

Blaðamenn eru stundum svolítið kostulega barnalegir í sumum málum.  Fréttablaðið segir frá þessu á forsíðu og heldur betur drýgindalegt:  "Fréttablaðinu er kunnugt um íbúð í útjaðri höfuðborgarsvæðisins þar sem ásett verð er 29 milljónir króna.  Á henni hvíla 28,6 milljónir.  Eftir því sem fasteignasalar segja dugar mismunurinn ekki fyrir söluþóknun.  Fleiri dæmi séu um slíkt.  Blaðið þekkir ennfremur til dæmis úr miðbæ Reykjavíkur, þar sem lánið er orðið hærra en sem nemur markaðsvirði."  Þetta er dæmi um, að blaðamaðurinn veit greinilega ekkert um fasteignamarkaðinn.  Ætli ikh hafi þurft að spyrja marga fasteignasala um, hvort mismunurinn í fyrradæminu dygði fyrir söluþóknun?  Fyrra dæmið er líka dæmi um hið seinna, sem blm. nefnir.  Söluverð eignarinnar mun ekki dekka lánið, sem hvílir á eigninni.   Að lokum,  þekkir þessi blaðamaður muninn á ásettu verði og markaðsverði.  Ég fullyrði, að ásetta verðið í fyrra dæminu verður ekki söluverð íbúðarinnar/markaðsverð.  Þannig að þar er enginn mismunur til að greiða söluþóknun!  Það þarf ekki að skoða fateignamarkaðinn mikið og lengi til að sjá, að þetta er bísna algengt, þ.e. að áhvílandi lán er um og yfir væntanlegu söluverði eigna.  Og það er ekki alveg nýtt.  Hvort tilvísanir í staðsetningu fasteignanna sem Fréttablaðinu er kunnugt um á að segja lesandanum eitthvað um ástandið er mér ráðgáta.

Menn verða að hætta að bulla svona um fasteignamarkaðinn bæði á blöðum og á greiningadeildum. 

Íbúðaverð lækkaði um tæpa prósentu

Til hamingju Hannes!

  Og svo er það Jón Bæjó!  Hvað er í gangi? 

 Annars er það afskaplega ófrumlegt að endurskrifa texta annarra, og sérstaklega þegar ekki verður gert betur.  Eða hélstu kannski að þú gætir betrumbætt texta Halldórs?  Var það málið?

 

Næsta verkefni...???

Höfundarréttur tekinn alvarlega

Athyglisverð þögn. Beðið eftir línunni?

Það er athyglisvert, hvað hljótt er um djélistabloggara þegar svona fréttir berast.  Eru þeir að bíða eftir Hannesi með sínar venjulegu dylgjur og innantómu upphrópanir og fullyrðingar?  Eru hægriöfgamenn búnir að skrifa sig útaf borðinu í skattamálum?  Ekkert eftir nema fullyrðingar um að þessi eða hinn af ekki vit á málinu og kunni ekki að reikna?  Minnir á þögn þessara sömu bloggara fyrst eftir að fréttir bárust af valdaráni Ólafs F. hins niðurdregna!  Þá var beðið eftir línunni, sem fannst að lokum í ranghölum Vallhallar!  Þar sem dauðir rísa að kveldi.

Ingibjörg Sólrún skipar sendiherra!

Utanríkisráðherra er loksins að átta sig á aðalhlutverki utanríkisráðherra!  Það er að skipa vini sína úr pólitíkinni í stöðu sendiherra! Að vísu lét hún tvo fylgja með til að tryggja heimilisfriðinn á Rauðarárstígnum.  Davíð Oddsson, einkavinur Ingibjargar, var mikið duglegri.  Hann skipaði 9, skrifa og segi níu, sendiherra á nær jafnmörgum mánuðum (menn hafa nú fengið sér í glas af minna tilefni).  Þar af skipaði Davíð eiginkonu vinar síns og samherja, Friðriks Sófussonar, í embætti sendiherra  Hún situr nú í Pretoríu við að skrifa bækur um hugðarefni sín, enda ekkert annað að gera í sendiráði Íslands í Pretoríu.  Mun stefnt að því að skipa Friðrik sendifulltrúa við sama sendiráð innan tíðar, svo sendiherrann þurfi ekki að sitja ein við skriftirnar.  Allir þessir sendiherrar, sem Davíð skipaði, reyndust óþarfir, og fóru þeir að segja af sér einn af öðrum fljótlega eða voru fluttir í önnur störf.  Tveir fóru á eftirlaun árið eftir að þeir voru skipaðir.

Segir sendiherra of marga

OECD kann ekki að reikna! Ekki frekar en Stefán Ólafsson!

  Segir Þessi.  En kann hann það?