Sigur spillingaraflanna! Aldrei stóð til að rannsaka eitt né neitt! Sérstakur saksóknari var ráðinn til að rannsaka EKKI málin!

Eva Joly hótar að hætta og nefndir Alþingis fá ekki umbeðin gögn úr Fjármálaeftirlitinu!  Nefndarmaður í rannsóknarnefnd Alþingis, sem nefnir almælt tíðindi á Íslandi í litlu skólablaði í USA á á hættu að missa starfið við rannsókn á hruninu!  Það er alveg kýrskýrt að hér eru spillingaröflin risin uppá afturlappirnar.  Eva Joly er hindruð í starfi sínu og efnahags og viðskiptanefndir þingsins líka.  Reynt er að trufla störf rannsóknarnefndar þingsins með kjánalegum klögumálum burtrekins forstjóra Fjármálaeftirlitsins.

Ég hef áður haldið því fram að sérstakur saksóknari hafi ekki verið ráðinn til að rannsaka glæpamál tengd hruninu.  Hann hafi verið ráðinn til að rannsaka ekki glæpamál tengd hruninu.  Þangað til annað sannast stend ég við þessa fullyrðingu!

Hætti Eva Joly störfum er endanlega útum orðspor okkar Íslendinga.  Umheiminum verður ljóst að aldrei stóð til að rannnsaka hrunið, aðdraganda þess og afleiðingar!  Aldrei hafi staðið til að draga neinn til ábyrgðar!  Það sem hefur verið gert sé sýndarmennskan tóm!

Nú þurfum við að gera svo vel og gera upp við okkur hvernig þetta á að vera!  Skal rannsakað og ákært eða skal láta kyrrt liggja?

P.s. á nokkrum bloggum hefur mátt sjá skrif sem segja mér að aldrei hafi átt að rannsaka eitt né neitt!  Þau blogg eru tengd félagi tengdu Sjálfstæðisflokknum, frambjóðanda sama flokks í síðstu kosningum og öðrum götustrákum!

Eva Joly íhugar að hætta

Sjálfstæðisþingmenn hljóta því að samþykkja samninginn sem Steingrímur J. kynnti í vikunni!

Sjálfstæðismenn!  Vinsamlegast skríðið uppúr hinum pólitísku skotgröfum ykkar! 

Ef gerð er krafa um heiðarleika og samkvæmni innan Sjálfstæðisflokksins hljóta þingmenn Sjálfstæðisflokksins að greiða atkvæði með samningi ríkisstjórnarinnar.  Annað væri órökrétt.

Það er greinilegt að Árni MM er ekki góður lygari.  Til þess hefur hann ekki nógu gott minni! Og Einar K., hvaða afstöðu tekur hann nú?  Nú þegar þetta hefur verið rifjað upp fyrir honum.  Kýs hann að reyna að ljúga sig áfram útúr málinu?

 

Tilkynntu um lausn í haust

Skuggalegt!

En hún er nú ekki alveg í jafnvægi, þessi framsóknarkona!  Oftast við að losna úr límingunum á þinginu.  Fær líklebga heilablóðfall einn daginn!

Skuggaríkisstjórn Alþjóðagjaldeyrissjóðsins

Kópavogur ehf.

Kemur ekki á óvart í sjálfu sér.  Sögusagnir um sukk meirihluta bæjarstjórnar hafa verið ansi lífseigar og langlífar.  Kannski flýtur skíturinn nú uppá yfirborðið.

Hugsanleg brot á lögum

Nei takk!

Þetta er orðið meira en gott hjá ykkur, kæru Sjálfstæðismenn!  Fyrir mína hönd, og minnar litlu fjölskyldu, afþakka ég hér með allar ykkar efnahagstillögur, sem og aðrar uppástungur um hvernig við eigum að haga lífi okkar hér á heimilinu!  Það er komið nóg!  Miklu meira en nóg!

Ef þið kunnið að skammast ykkar skuluð þið pakka saman og flytja einhvert þar sem enginn hefur áður af ykkur heyrt og ykkar afrekum!  Hér er alveg komið nóg!  Miklu meira en nóg!

Veriði sæl og fariði vel! Og takk fyrir ekki neitt!

Sjálfstæðisflokkurinn leggur fram efnahagstillögur

Leið Sjálfstæðisflokksins til niðurstöðu. Hversu trúverðugur er formaður Sjálfstæðisflokksins?

Fyrir áramót hljóðuðu samningsdrög og tillögur nefndarinnar, sem Geir H. Haarde skipaði, uppá að tekið skildi lán uppá þessa 1200 milljarða.  Og borga Icesave klúðrið að fullu, ekki bara að hluta.  Það var í samræmi við neyðarlögin, og kröfuna að ekki mætti gera upp á milli innistæðueigenda eftir löndum.  Afborganir áttu að hefjast strax!  Það munar sem sagt 570 milljörðum á þessari lausn og "lausn" délista-elítunnar auk vaxtanna.  Ekki fylgir sögunni, hvað gera átti við eignir Landsbankans erlendis.  Sjálfsagt átti Björgólfur að eiga þær áfram, enda töldu ráðherrar Sjálfstæðisflokksins þær verðlausar með öllu.  Og svo áttu Bjöggi og Kjartan inni greiða hjá flokknum eftir alla styrkina!  Gleymum því ekki!

Öll óvissa á kostnað Íslendinga

Ys og þys útaf engu? Stjórnarandstaðan komin að niðurstöðu í Icesafe-deilunni langt á undan samninganefndinni!

Þingmenn, einkum délista og framsóknar, hafa farið mikinn í þinginu í dag, og virtust vera komnir að niðurstöðu í Icesave-samningunum langt á undan samningamönnum Íslendinga, Hollendinga og Englendinga.  Var sú niðurstaða þeirra byggð á þeirra eigin hugarórum eingöngu og óljósum vangaveltum Moggans.  Og auðvitað urðu þeir æfir útaf niðurstöðunni.  Steingrímur J. kom alveg af fjöllum, að því er virtist,  enda fer hann með hið opinbera samningsumboð sem alþingi veitti ríkisstjórninni í vetur.  Stjórnarandstaðan fór einfaldlega framúr öllum væntingum á þingi í dag.  Dario Fo hvað?

P.s.  Af einhverjum ástæðum sakna ég alltaf Árna Johnsen þegar Jón Gunnarsson tekur til máls.

Steingrímur fær fullt umboð

Í tilefni af 80 ára afmæli Sjálfstæðisflokksins!

Blóm og kransar eru afþakkaðir, en þeir sem vilja minnast þessara tímamóta Flokksins er benta á Hagsmunasamtök heimilanna og Fjölskylduhjálp Íslands.

Barnaskapur stjórnarandstöðuþingmanna Framsóknar og délistans!

Lýsing Birgittu, þingmanns Borgarahreyfingarinnar, á hegðun þingmanna Framsóknar og délistans eru ótrúlegar og lýsa miklum barnaskap.  Þeir neita þingmönnum Borgarahreyfingarinnar um að sitja við hlið sér á nefndarfundum.  Hvar sem þeir hafa svo sótt sér heimild til þess.  Barnaskapur og þroskaleysi!

Herbergjafarsi Framsóknar er svo annað dæmi um barnaskap og þroskaleysi þessara stjórnmálamanna.

Hvernig er það, hafa þeir kannski aldrei orðið fullorðnir, þessir þingmenn Framsóknar og délistans?

'Abyrg stjórnarandstaða í þágu heimilanna!

Þetta ætla ég líka að gera, þegar fulltrúi sýslumanns mætir til að bera fjölskylduna út.  Negla fyrir alla glugga og draga fram haglarann!  Lifi Jónas!

Þeir sitja sem fastast

Harmagrátur kapítalistans.

það er kostulegt að fylgjast með vælinu í hamfaraliðinu þessa daga, þegar verið er að loka spilavítinu.  Menn sem hafa lánað sjálfum sér peninga og tekið óheyrilega áhættu í allskyns braski í áhætturekstri kvarta sáran, þegar gengið er að þeim vegna lánanna.  Héldu þeir að þeir fengju allar sínar skuldir niðurfelldar, að sérmeðhöndlunina, sem þeir hafa notið, héldi áfram?  Við hverju bjuggust þeir?  Og svo segjast þeir vera fórnarlömb.  Og þá fórnarlömb hverra?  Ytri aðstæðna?  Voru það ytri aðstæður, sem véluðu þá til að taka lánin, hætta fyrirtækjum sínum með óhóflegum lántökum?

Á sínum tíma tóku afbrota- og félagsfræðingar upp á að telja þjófa og aðra krimma, jafnvel nauðgara og morðingja, fórnarlömb.  Þetta er kannski angi af þeim fræðum?

Fjöldi fyrirtækja í ríkiseigu

Viðbrögð LÍÚ...

...minna um margt á viðbrögð samtaka fiskvinnslunnar, þegar ákveðið var að taka upp nýjar aðferðir við varðlagningu á fiski á Íslandi.  Verðlagsnefnd hafði ákveðið verðið áratugum saman, þegar ákveðið var að breyta um og setja upp fiskmarkaði, þar sem fiskur yrði boðinn upp (eða réttara sagt niður).  Þá varð allt vitlaust.  Fiskvinnslan fer á hausinn og hér fer allt í kaldakol, var sagt!

Hér má engu breyta, þá fer allt á hausinn, eða hvað?

Ein af afleiðingum markaðsákvörðunar á fiskverði, í stað verðlagsnefndar, var að menn fóru að ganga betur um fiskinn úti á sjó og í landi.  Sem skýrir meiri framlegð og þar með betri afkomu í sjávarútvegi en áður.  Það var ekki kvótakerfið og framsalsheimild á kvóta sem bætti afkomuna, heldur breytt verðmyndunarkerfi.  Breytingin, sem átti að setja alla fiskverkun í landinu á höfuðið!

Líkir uppboði afla við byggingastarfsemi í Grafarholti

Óþol Sjálfstæðismanna gagnvart stjórnarmyndunarviðræðum.

Margir eru orðnir ansi óþolinmóðir vegna þess tíma, sem Jóhanna og Steingrímur taka í stjórnarmyndunina.  Sjálfstæðismennirnir BB og Jón Magg. hafa báðir bloggað um málið og pirringurinn leynir sér ekki.  En geta menn ekki leyft þeim að taka að minnsta kosti svipaðan tíma og það tók Sjálfstæðisflokkinn að typta Framsókn og Samfylkingu  til í ríkisstjórn eftir sínu höfði?  Styst var það 12 dagar! 

Nú þegar tími Sjálfstæðisflokksins er liðinn ættu flokksmenn hans aðeins að lækka í sér frekjurostann og sýna auðmýkt gagnvart því fólki, sem þjóðin hefur valið til að hreina upp eftir þá skítinn!

Yfirstéttarforseti ASÍ.

Hver tekur mark á þessum forseta ASÍ, sem hefur alla sína tíð frekar talið sig til yfirstoettarinnar en verkalýðsstéttarinnar.  Og launin sýna það enn frekar!

Nýjan sáttmála um stöðugleika

Pulsupartí?

Var það ekki þessi Guðmundur, sem stakk uppá að haldið yrði pulsupartí í Húsdýragarðiinum í stað þessara sígildu baráttusamkoma?  Varla mikið um barátturæður í svoleiðis partíum.  En svona virkaði mengun hugarfarsins í hókus-pókus cirkus græðginnar!

Gott að ekki var búið að gengisfella stéttabaráttuna niðrúr gólfinu!

„Skuldsetning hugarfarsins"

Menntamálaráðherra Íslands, hins fullvalda, frjálsa og sjálfstæða ríkis,...

...Katrín Jakobsdóttir hefur undirritað samning við menntamálaráðherra Norðurlandanna, sem tryggir að ekki þarf að greiða fyrir nám Íslendinga í háskólum hinna landanna.  Einsog allir vita eru þrjú þessara ríkja ófullvalda, ófrjáls og ósjálfstæð, þ.e. Danmörk, Finnland og Svíþjóð.  Þau eru undir oki Evrópusambandsins og mega því ekki, að sögn, gera neina milliríkjasamninga uppá sitt einsdæmi.  Samningurinn gildir líka á Grænlandi, í Færeyjum og á Álandseyjum.  Kostnaður á ári fyrir þessar ófullvalda, ófrjálsu og ósjálfstæðu þjóðir vegna náms hinna frjálsu, fullvalda og sjálfstæðu Íslendinga eru 500.000 krónur ísl. á ári.  Samningurinn gildir fyrir árin 2010-2012.

Hér er eitthvað sem gengur ekki upp, finnst mér!

Baugssjálfstæðismenn eða Baugsnautar?

Það vekur athygli, að á listanum á DV yfir styrkþega Baugs eru 8 þingmenn eða frambjóðendur Sjálfstæðisflokksins.  Ýmsir forystumenn flokksins hafa haft mjög horn í síðu Baugs og alls sem því tengist.  Má nefna skreytinguna "Baugsmiðill" og "Baugs-" þetta og hitt.  Nú spyr maður sig, hvort þessir Sjálfstæðismenn, sem fengu 4.950.000 krónur frá Baugi og annað eins frá FL-Group, séu ekki réttnefndir Baugsjálfstæðismenn?

Það er ég viss um, að Davíð og Bjössi eru ekki hrifnir af þessum Baugsnautum, eða hvað?

Hvílíkt hugmyndaflug!

Þorgerður Katrín hefur eflaust alveg geysilega fjörlegt ímyndunarafl!  Það sýnir þessa frábæra hugmynd hennar.  En sú spurning hlýtur að vakna, hvort Sjálfstæðismenn þurfa ekki að fara að láta sér detta eitthvað skynsamlegt í hug í stöðunni?  Svona miðað við efnahagsástand heimsins?  Og hvernig á að fjármagna 100 milljarða fjárfestingu í virkjunum og flutningskerfi rafmagns til þessa álvers í Helguvík?  Kannski á Stjáni aur til að lána okkur?

Hvert starf í álveri kostar 150.000.000-300.000.000 króna!

Ég er með betri hugmynd um hvernig nota má alla þessa peninga!  Þorgerður Katrín ætti frekar að styrkja fjölskyldurnar í landinu svo þær geti flutt af landibrott!  Svo við þurfum ekki að hlusta á þennan fánýta álverssöng útí það óendanlega!  100.000.000 á fjölskyldu hljóta að duga þeim sem vilja til að setjast að annarsstaðar!

Álið leysir vandann

Hverjir kjósa hvern. Ástæðan fyrir afstöðu délistans til hátekjuskatts!

 

 

Svona kjósa Íslendingar. Skipting miðað við tekjur.

 

                                                   B        D           O             S              V       Annað         

 Lægri en 250 þúsund        5,6    20,7    12,4       25,2    30,4    5,7

 250-399 þúsund             12,8     17,4     6,8       34,3    27,5    1,2

 400-549 þúsund             15,3     11,8     5,9       40,5     24,0    2,5

 550-799 þúsund             13,8      20,2     3,2      30,3     31,0    1,5

 800 þúsund eða hærri   12,4     36,8     6,6      20,4     21,4    2,5

Sjá má ástæðuna fyrir afstöðu délistans til hátekjuskatts.  Hér undirstrikuð!  36,8% fólks með 800.000 kr eða meira í tekjur kýs Sjálfstæðisflokkinn

Skattastefna Sjálfstæðisflokksins! Bjarni Benediktsson, 3. apríl. RÚV Leiðtogaumræður í sjónvarpssal.

 

"Við höfum ekki útilokað með öllu einhverjar skattahækkanir, en við segjum enga nýja skatta."  Bjarni Benediktsson, formaður Sjálfstæðisflokksins.

Nú getur maður velt fyrir sér, hvað Bjarni átti við eða hvort það sem hann sagði, er stefna flokksins eða ekki. 

Ef maður útleggur orð þessi orð Bjarna, þá segir hann hér, að almennar skattahækkanir séu EKKI ÚTILOKAÐAR af hálfu Sjálfstæðisflokksins, en að eignaskattur á stóreignamenn og hátekjuskattur á hátekjumenn séu ÚTILOKAÐIR! 

 Það sé sem sagt í lagi að hækka skatta, ef það lendi með fullum þunga á lágtekjufólk.  Og öll vitum við, að hækkun skattprósentu kemur harðast niður á þeim sem lægstar hafa tekjurnar!

Þetta er sem sagt skattastefna Sjálfstæðisflokksins:  Almennar skattahækkanir.  Hækka skattprósentur.  Enga nýja skatta á stóreignamenn og hátekjumenn!   Þá vitum við það!

Þessi orð Bjarna má heyra á heimasíðu rúv.