Í samkeppni, hvað...

"Slík lán veitir Íls í samkeppni við bankana."  Eigum við ekki að hinkra ögn við.  Hvað þarf einstaklingur að vera með í tekjur til að fá 20 milljón króna lán hjá banka.  Það væri gaman að vita, hvort ESA hefur einhverja hugmynd um launakjör á  Íslandi og þær kröfur, sem bankar á Íslandi gera til lántakenda húsnæðislána.  Ég fullyrði, að þær kröfur eru allt aðrar en gerðar eru annars staðar í Evrópu.  Hér eru öll slík lán verðtryggð;  annars staðar ekki.  Hér ríkir einfaldlega ekki sambærilegt ástand.  Aðstæður til að koma sér upp eigin húsnæði hér á landi með þjónustu bankanna eru hreint ekki þær sömu og annars staðar í Evrópu.

Hvað er langt síðan bankarnir hættu að veita húsnæðislán, þ.e.a.s. öðrum en hátekjufólki.  Eða hafa þeir yfirleitt  einhverntíma gert það.

Ef upplýsingarnar sem ESA fékk til að kveða upp þessa niðurstöðu eru í svipuðum dúr og greint er frá hér í pistlinum að neðan, er óhætt að blása á þessa niðurstöðu.  Hún er marklaust plagg.  Einsog greinargerð Samtaka Atvinnulífsins!

Stendur Íbúðalánasjóður á krossgötum?

Ómerkileg vinnibrögð SA og byggð á lygi!

Skv. fréttinni af þessari undarlegu greinargerð Samtaka atvinnulífsins, tók Íbúðarlánasjóður að lána 90% lán um sumarið 2004.  Þetta er einfaldlega lygi.  Íbúðalánasjóður byrjaði fyrst 6. desember að lána 90% af brunabótamati.  Fimm mánuðum eftir að bankarnir byrjuðu að lána 100% lán af ásettuverði íbúða (það var kallað markaðsverð).  Það er ekki flóknara en þetta!

2003 var samþykkt stefnumörkun um að Íbúðalánasjóður tæki upp 90% lán af brunabótamati í áföngum. 

Árið 2007 átti sem sagt Íls að lána 90% af brunabótamati alfarið á markaðnum.  Byrja átti á að lána 90% útá íbúðir af hóflegri stærð.

Sumarið 2004 tóku bankarnir að lána 100% lán, þ.e. 100% af ásettuverði fasteigna.  Ekki söluverði eða 100% af brunabótamati.  100% af verðmati löggilts fasteignasala á fasteign; ásett verð.  Út á þetta mat gátu menn endurfjármagnað eignir sínar, hefðu þeir tekjur til þess skv. greiðslumati.  Eða keypt.  Fengu 100% lán miðað við verðmat fasteignasala, en endanlegt söluverð gat svo verið 10-20% lægra.  Og brunabótamat e.t.v. 60% af söluverði.

6. desember 2004 fór svo Íbúðalánasjóður að lána 90% lán af brunabótamati, sem í langflestum tilvikum varog er langt undir söluverði fasteigna, hvað þá ásettu verði á fasteignasölu.  Var litið svo á að vegna innkomu bankanna með 100% lánin væri ekki stætt á öðru en að gera þetta, einsog það var gert!

Það er því ljóst að öll þessi greinagerð Samtaka atvinnulífsins, svo og stefna SA í þessum málum byggist á lygi og rangfærslum.

Stjórnvöld breyti aðkomu sinni

"Hvaða andskotans máli...."

Aðstoðarmaður Össurar virðist hafa gleymt mannasiðum sínum að þessu tilefni.  Einar Karl Haraldsson er einn af þessum mönnum sem gjarnan setur upp helgislepjusvipinn þegar rætt er um Landið með stórum staf, Ísland, og Guð og Kristni líka með stórum staf.  Nú er kominn á hann annar svipur, nefnilega svipur valdsmannsins eftir að hann komst í hóp stjórnmálaelítunnar, en þangað hefur hann lengi langað.  Ekki verður vart lítillætis hjá honum frekar en fyrridaginn!

Hvernig stendur á því að stjórnmálastéttin/elítan á Íslandi hefur þetta viðhorf til fjölmiðla?  Hefur þetta fólk eitthvað að fela eða er því ekki ljóst hlutverk fjölmiðla í lýðræðisþjóðfélögum?  Finnst þessu fólki kannski að okkur hinum komi ekkert við hvað það er að aðhafast?  Lítur þetta fólk á sig sem einhverskonar yfirstétt, sem ekki þarf að gera grein fyrir verkum sínum og athöfnum?  Eða birtist hér fyrirlitning valdastéttarinnar á fjölmiðlum og fólkinu í landinu?  Hverskonar framkoma er þetta eiginlega, sem þetta lið er farið að temja sér?  Ítrekað fáum við fréttir af dónaskap og hortugheitum stjórnmálastéttarinnar í garð fjölmiðla, og þá um leið í garð okkar sem viljum fylgjast með því, hvað valdhafar eru að bauka í okkar nafni.  Það er nefnilega þannig í lýðræðisþjóðfélögum, að stjórnmálamenn eru í vinnu hjá okkur hinum.  Þiggja vald sitt og laun frá þjóðinni.  En því hafa þeir greinilega alveg gleymt og hafa tileinkað sér hugarfar horfinna valdsmanna, sem þágu vald sitt frá Guði!

Viljayfirlýsing framlengd

Sérdeild Ríkislögreglustjóra: verkefni.

Er ekki tilvalið að Sérdeildin, sem lumbraði á trukkastjórum, fari þarna norður með kylfur sínar og gas og handtaki björnin.  Þeim verður líklega ekki úr skotaskuld að "svæfa" dýrið, svona miðað við framistöðuna á bensínstöðunni.  Gas'ann, berj'ann og járn'ann!  Það er svo annað mál, hvað dýraverndunarsinnar segja.  Það má nefnilega drepa og misþyrma mannfólkinu, en að skjóta villt rándýr er svo annað mál.  Jafnvel þó mannslíf séu í húfi!

Erfið aðgerð framundan að Hrauni

Snillingur-Ekkert minna?

Og kisan okkar, hún Snotra, er stærðfræðiséni!  Geðvondur og drykkfelldur, og mistækur eftir því!  Íslendingar hafa ekki efni á að reka og eiga björgunarþyrlu, sagð'ann nýkominn úr Viðey af fundi með Jóni Baldvin.  Þá varð ýmsum að orði, að maðurinn hlyti að vera siðblindur.  En hvort það er svo rétt skal ósagt látið!

Nánast hálfur maður sem utanríkisráðherra

Djúpt sokkin í fíkniefnaneyslu?

Á ég að trúa því að starfsmenn Tryggingastofnunar geti starfað hjá stofnuninni djúpt sokknir í fíkniefnaneyslu árum saman án þess að nokkur taki eftir því?  Eru kannski fleiri starfsmenn TR djúpt sokknir í fíkniefnaneyslu?  En það er gott að innra eftirlit stofnunarinnar hefur verið elft.  TR hefur nefnilega frekar grunað bótaþega stofnunarinnar um græsku og óæskilegt líferni en sína eigin starfsmenn.  Hér eftir verða starfsmennirnir vonandi teknir í lyfjapróf reglulega og bankareikningar þeirra og skattframtöl skoðuð vandlega.  TR lætur ekki taka sig í bólinu aftur?  Eða hvað?

Í fjárþröng og djúpt sokkin

Grunnhyggni?

Miðað við ástandið þá má segja að það sé grunnhyggni, að halda því fram að þakka megi stýrivöxtum lækkandi verðbólgu.  Stýrivextir eiga jú að hafa áhrif á lánavexti og lán hafa nú um nokkurt skeið ekki fengist í bönkum.  Þannig að frekar má segja, að lánsfjárskorturinn sé farinn að hafa áhrif og stýrivextir seðlabankans koma þar hvergi nærri.  Að það sé farið að sverfa að heimilunum í landinu má svo "þakka" óðaverðbólgunni, sem hefur hækkað svo greiðslubyrði af húsnæðislánum heimilanna, að margur hefur ekki lengur efni á éta.  Menn verða að athuga að meginþorri almennings hafði ekki úr miklu að moða og nú hefur enn verið þrengt að þessu fólki sem ekki hefur 2x500.000 krónur í mánaðarlaun og ekki hefur ekið um á 5-10 milljón króna bílum.  Og þessi meginþorri almennings mátti hreinlega ekki við þessum efnahagslegu hryðjuverkum sem dunið hafa á honum. 

Háir stýrivextir farnir að bíta

Hnífamaður af Norrænu kyni?

Eða einhver andsk... hundtyrki, einsog þessi sem pikkaði íslenska smákrimmann inná ísbúðinni í Kóngsins Kaupinhavn.  Þess má svo geta, til að halda öllu til haga í því máli, að þessi íslenski smákrimmi er ofbeldismaður.  He had it coming?

	20 mánaða fangelsi fyrir hnífaárásir
Ábyrgðarmaður færslu Tenging við þessa frétt hefur verið rofin vegna kvartana.

Hundtyrki og hundsvitni.

Sá að menn voru að ræða orðið hundtyrki og eitthvað að kljást.  Í Ritmálsskrá Orðabókar Háskólans má finna fjölda orða með þessu neikvæða forskeyti, bæði hund- og "hunds-.  Og afþví Tyrki kemur við sögu í þessari krytu manna, þá rakst ég á þetta skemmtilega orð:  hundsvitni.  Eitt dæmi er tilfært: 

  "kristin vitni eru hundsvitni, og haldi hinn tyrkneski maður kúnni uns betri vitni koma." (Þjóðólfur, 1848-1912)

  

Hvaða húmor? Jón Gnarr!

"Lengi tekist á við húmorsleysi."  Það er vonandi ekki verið að tala um Jón Gnarr!  Það getur verið að það sé voða gaman hjá Jóni Gnarr í vinnunni, en varla skilar það sér í "pródúktinu."  Þessar Galíleo auglýsingar eru hrútleiðinlegar, nema náttúrulega fyrir þá sem hafa smekk fyrir aulafyndni, en það er einmitt sérsvið Jóns að leika einhverskonar aula.  Enda haft fyrir satt, að leikurum takist einna best upp við að leika persónur, sem eru líkar þeim sjálfum.

Auglýsingin, sem birtist fyrst í þessari kynningarrunu Símans, er eitthvert það ósmekklegasta af öllu ósmekklegu sem gert hefur verið í þessum bransa.  Að nota helgustu helgisögu kristninnar, hina heilögu kvöldmáltíð, í ómerkilegri markaðsbrelluherferð gróðapunga, er bæði hallærislegt og dónaskapur.

Hvað næst?  Verða foreldrar í sorg eftir barnsmissi næstu fórnalömb auglýsingaskrumarans, eða fósturlát?  Nei, ég bara spyr? 

Og Jón Gnarr!  Fáðu þér aðra vinnu eða stúderaðu smá siðfræði!

Lengi tekist á við húmorsleysi

Skv. síðustu málsgrein...

...fréttarinnar sakfelldi héraðsdómur Jón Ásgeir fyrir tilkynningu, sem ekki fannst meðal málsgagna.  Athyglisvert!  Hæstiréttur sýknaði Jón Ásgeir af þessum lið ákærunnar!

Einnig má lesa úrúr endursögninni í fréttinni að saksóknari hafi farið fram á að Hæstiréttur bryti gegn 1. málsgrein 70. greinar stjórnarskrárinnar með því að  ómerkja dóm héraðsdóms um sýknu og senda það aftur í hérað.  Athyglisvert!

Mér sýnist eftir að hafa fylgst með umfjöllun um málið í dag, og áður, að ýmsir hafi talið sjálfsagt að dæma Baugsmenn sjálfkrafa seka af öllum ákæruliðum vafningalaust.  Þar á meðal ljóskan í Kastljósinu.  Hún var hreinlega móðguð og var ekkert að fela það...Frekar en svo margir aðrir sem styðja vald helbláu handarinnar blint og skilyrðislaust!

Var STM að leita hefnda þegar hann lagði fram ákæruna gegn fyrrum vitni Ríkislögreglustjóra (og ritstjóra Mbl. og geðvonda lögfræðingsins).  Í stað þess að vera aðalvitnið og kærandi í málinu er Jón Gerald allt í einu kominn á sakamannabekk með þeim sem hann kærði með aðstoð nokkurra málsmetandi Sjálfstæðismanna...

Ekki fært að endurskoða sönnunarmat héraðsdóms

Kastljósið í gærkvöldi.

Þar sat maður, sem minnti mig á bílasala að reyna að selja bíl með bilaðan startara og ónýtt háspennukefli.  Klisjur ofsatrúarmannsins Hannesar á Horninu (var beðinn um að nota ekki mynd af honum sem er útum allt á netinu) eru móðgun við almenna skynsemi...

...að mínu mati."

Ætti Jón Gerald Sullenberger að hætta að reyna að níða niður dómskerfið á Íslandi.  Margir hafa reynt með litlum árangri, þar á meðal Davíð Oddsson og Mogginn!  Og hafa ekki vaxið að virðingu við, heldur orðið sjálfum sér til minnkunar.  Jón ætti að snúa sér að því áfram sem hann gerir sjálfsagt best, að höndla með amrískan pakkamat!

P.s.  Hverjir skyldu hafa unnið að uppsetningu og vinnslu þessa vefs Jóns Geralds?  Ætli einhverjir í Hádegismóum hafi aðstoðað Jón, og kom hægðatregðudrottningin við sögu? 

P.p.s  Þessi Jón Gerald Sullenberger er þessi sami Jón, sem  gat ekki fundið sér lögfræðing á Íslandi hjálparlaust hér um árið!

Birtir gögn úr Baugsmálinu

Ekki óþekktur ættbálkur...

...heldur íslenskir bókstaftrúarsmenn í leit að Paradís? Jón, Rósa og  .....

Myndir nást af óþekktum ættbálki í Brasilíu

Hér á landi...

... þykir það eitt það hallærislega af öllu hallærislegu að standa í að mótmæla.  Það er svo sem sama hvað það er; eldsneytisverð, matvælaverð, mannréttindabrot af ýmsu tagi, stríðsrekstur, nefndu það.  Það er hallærislegt!  Að safna undirskriftalistum til að mótmæla einhverju eða krefja yfirvöld um réttlæti þykir jafn hallærislegt.  Kannski eru við svona miklar lúpur og aumingjar eða það þykir merki um einhverskonar karlmennsku eða manndóm að láta allt yfir sig og aðra ganga.  Mótlæti og ofbeldi eigi maður að taka af æðruleysi.  Mikilmennskubilun okkar er kannski svona mikil.  Okkur þykir óþarfi og aumingjaskapur, að mótmæla háu vöruverði og yfirgangi valdsmanna hér og annarsstaðar.  Þetta gengur svo langt, að mótmælaendur (þessir sárafáu furðufuglar og nöldrar) gera jafnvel grín að öðrum mótmælendum og undirskriftasöfnurum gegn ranglæti heimsins!

 

 

Mótmæli vegna hækkandi eldsneytisverðs víða í Evrópu

Sunnlenskar fyllibyttur...

...þurfa þá ekki að þynnast upp!  Gott mál!  Nógur er nú víst skjálftinn samt...

Vínbúðirnar á Selfossi og í Hveragerði opnaðar á morgun

Stjórnborð bloggsins með geðhvarfasýki?

Ýmist birtast færslurnar ekki og hverfa í haf gleymskunnar eða sama færslan birtast 2x!

Og afturgöngurnar (Republicanarnir) úr kaldastríðinu...

...eru gersamlega á kantinum yfir að Alþingi skuli gera athugasemdir við "vinaþjóðina" og taka til við að endursegja gamlar æsingafréttir frá því pabbi B. var þar ritstjóri! Ég rakst meðal annars á uppvakning, sem ég hélt að væri raunverulega dauður, hér á blogginu.  "Atómstríð vild'ann hafa í Keflavík...."

Og afturgöngurnar (Republicanarnir) úr kaldastríðinu...

...eru gersamlega á kantinum yfir að Alþingi skuli gera athugasemdir við "vinaþjóðina" og taka til við að endursegja gamlar æsingafréttir frá því pabbi B. var þar ritstjóri! Ég rakst meðal annars á uppvakning, sem ég hélt að væri raunverulega dauður, hér á blogginu.  "Atómstríð vild'ann hafa í Keflavík...."

Glæpalýður!

Hvernig er það, er ekki verið að tala um að sporna við því að glæpalýður komi hér til landsins?  Hvað er þá verið að veita þessu glæpahyski opinbera móttöku, sem hefur tekið þátt í því að brjóta alþjóðalög og sáttmála?  Og svo kemur þetta hingað og hefur uppi móðgandi ummæli um Alþingi Íslendinga!  Það er eflaust einhverjir hægrileppar hrifnir!  Innrásin í Írak er brot á alþjóðalögum og meðferðin á föngum, sem teknir hafa verið brot á Genfar-sáttmálanum.  Ég mótmæli því að svona hyski sé hleypt inní landið, og einnig því að íslenskir ráðamenn hafi samskipti við svona "fólk".  Var ekki ISG að tala eitthvað um breytta stefnu í utanríkismálum?  Hvar er friðarsinninn ISG?  Gufaði hann upp í bröltinu til valda!  Íslenskir ráðamenn eru ekki vandir að virðingu sinni þegar kemur að því að velja sér vini og bandamenn, ekki frekar en fyrridaginn!

Rice tók ásakanir um mannréttindabrot óstinnt upp