Rafmagnsbyssur og varalið!

Hvað er í gangi?  Nú á að afhenda sérsveitinni rafmagnsbyssur, og hvað svo?  Fyrstir til að fá piparúða var sérsveitin, nú bera allir lögreglumenn slíkt á sér.  Verður það eins með rafmagnsbyssurnar?  Sennilega.  Gallinn við þessar rafmagnsstuðbyssur er sá, að þeir sem beita þeim vita yfirleitt ekki neitt um heilsufar fórnarlambsins.  Þónokkuð margir hafa látist vegna þess að þessu vopni hefur verið beitt á þá.  Allir eiga að vita, að hér verður þessu vopni beitt á sama hátt og annars staðar, og sömu mistökin verða gerð.  Sama misbeiting mun eiga sér stað.  Vopninu verður beitt þar sem það á ekki við, og manneskjur munu láta lífið.  Hversvegna eigum við að vita þetta?  Vegna þess, að við erum einsog annað fólk, og íslenskir lögreglumenn eru nákvæmlega einsog aðrir lögreglumenn.  Þeir gera mistök og misjafn sauður er í öllu fé!  Og hvað ætla yfirvöld að segja, þegar mistökin verða ,og einhver misbeitir valdi sínu og verður einhverjum að bana  "Shit happens."  Verða það viðbrögðin?  Og svo látið sem ekkert hafi gerst?  Ég vísa hér til mistaka sem gerð voru af yfirmanni í íslensku "friðargæslunni".  Viðkomandi lét vald sitt stíga sér til höfuðs, fólk dó og hann sagði, "shit happens."  Málið var "rannsakað" og ekkert gerðist.

Varalið.  Nú vilja menn varalið, sem eigi að starfa við sérstakar aðstæður, og vísa til leiðtogafundarins 1986.  Þar hafi björgunarsveitarmenn gegnt miklu hlutverki við gæslu.  Og það er alveg rétt!  En munurinn er sá að "kvaðning" þeirra til starfa við þá gæslu fór fram fyrir opnum tjöldum.  Verði lögreglan með þjálfað og fastráðið varalið mun "kvaðningi" ekki fara fram fyrir opnum tjöldum.  Yfirmaður lögreglumála er stjórnmálamaður, sem sagt ráðherra.  Hvernig verður tryggt að varaliðið verði ekki kallað út í einhverri pólitískri taugaveiklun og beitt á borgarana í pólitískum tilgangi.  Annað eins hefur gerst, bæði hér og annarsstaðar.  Varaliði er hægt að beita öðruvísi, en fastalið lögreglunnar.  Hefur sagan kennt okkur, að stjórnmálamönnum sé treystandi fyrir því valdi sem fylgir því að ráða yfir hálf leynilegu varaliði, em hægt er að kalla út án fyrirvara.  Varaliði sem hefur verið látið skrifa undir einhverskonar hlýðniseiða við yfirvöldin.

Er BB að byggja hér upp einhvern vísi að lögregluríki?  Fyrirmyndin er ekki langt undan.  BNA hefur verið breytt í slíkt ríki án þess að hinn almenni borgari hafi orðið þess var.  Hann hefur vaknað upp við vondan draum og getur sig hvergi hrært án vitundar yfirvölda, sem vita allt um hann og athafnir hans.  Yfirvalda sem geta án minnstu ástæðu sigað allskyns "varaliðum" á hann.  Kaupi borgarinn t.d. tilbúinn áburð geta yfirvöld handtekið hann, því það má nota áburðinn til sprengjugerðar.  Fjöldan allan af öðrum dæmum má tína til.

Er það þetta sem við viljum?  Varalið undir stjórn stjórnmálamanna?  Viljum við lifa í skugga óttans í lögregluríki?  Ef ekki eigum við að bregðast við öllum svona tilburðum, einsog stofnun varaliðs, vopnun lögreglunnar, stofnun eftirlitsstofnana o.s.frv., af fyllstu tortryggni.  Og alltaf efast um gerðir og fyrirætlanir stjórnmálamanna í þessa veru.  Það á reynsla annarra að hafa kennt okkur!  Ef gerum það ekki, þá vöknum við einn daginn upp við að við búum í lögregluríki!  Eða bara bak við lás og slá vegna skoðana okkar!

Kiddi þó!

Ekki hefði ég trúað því, fyrr enn það liggur fyrir, að Kristinn Ólason biði öðrum eins ....... og ........... til stofu, sem þessi Deshowitz virðist vera skv. skrifum manna sem kynnt sér hafa feril hans og skoðanir.  Tek það fram að ég er að lesa um hann hér á blogginu og víðar, og fæ ekki betur séð en Kristinn Ólason sé að gera sorgleg  mistök með því að ljá máls á nærveru þessa manns á Skálholti!  Ég er alveg undrandi, því ég veit að Kristinn er mikið góðmenni og mannvinur!

Verjandi O.J. Simpson með námskeið á Íslandi

Sunday Telegraph og Mogginn.

Undur og stórmerki.  En sum "stór"blöðin virðast sækja ritstjórnarstefnu sína til dýraríkisins, nefnileg jótrandi klaufdýra.  Nú tyggur Sunday Telegraph gamalt Extrablað.  Um daginn jórtraði Morgunblaðið á gamalli andúð sinni á einum óvina sinna,  Bakkavararbræðrum.  Þeir eru ásamt Bónusfeðgum og Kaupþingi (þarsem þeir eru meðal stórfjárfesta) helstu óvinir Moggans í fjármálalífinu á Íslandi  Sumir þessara blaðasnepla renna í allt það, sem vekur þeim pirringi, með sama greindarskorti og sama illýðgi og mannýgur nautpeningur er þekktastur fyrir.  Nú skilst mér að Styrmir muni heyra sögunni til eftir 1. október.  Kannski rennur þá æðið af málgagninu  með nýrri ritstjórnarstefnu.

Verst er að sjálfsögðu, að til eru menn á fjármálamarkaðnum, sem taka mark á þessu bulli.  Annars væri þetta ekki til annars en að kíma yfir því.

 

Er allt á niðurleið á Íslandi?

Hóað saman á fund á fund ofan. Allt fyrir völdin!

Þorgerður Katrín reynir að berja í brestina og þjappa liðinu saman.  Hóar saman á fund.  Nú er nýbúið að berja borgarstjórnarflokkinn saman til hlýðni á ný með miklum fundarhöldum.  Styrmir Gunnarsson skammar þingsflokksformann flokksins opinberlega.  Þingmenn eru óánægðir og með uppisteyt, segir Mogginn.  Þetta er nú meiri martröðin.  Flokkur sem einn flokka á vesturhveli jarðar hefur haldið uppi Lenínískum flokksaga nötrar allur og skelfur vegna innbyrðis flokkadrátta og flokksmenn láta ekki almennilega að stjórn lengur.  Hlaupa út og suður einsog sauðir.  Það verður nóg að gera hjá Þorgerði Katrínu á næstunni, að hóa saman liðinu! Hlýðið eða hafið verra af!

Fundað í Valhöll

Athyglisverð könnun!

Niðurstöður birtar 11.1.2008 og síðan kemur þessi könnun í dag.  Vonandi að djélistafulltrúarnir séu glaðir í hjarta sínu og haldi áfram að styðja lýðræðið!

58,5% styðja borgarmeirihlutann

Til hamingju Íslendingar!

Sumir vilja meina að forsetinn eigi að vera einskonar sameiningartákn þjóðarinnar.  Mér sýnist Ólafur Ragnar uppfylla þetta.  Enn aðrir telja Ólaf vera ógnun við lýðræðið (sjá hér fyrir neðan).  Þeir hinir sömu hljóta þá að draga þá ályktun að 80% þjóðarinnar séu á móti lýðræðinu (kannski skýrir það "áfall" Heimis Fjeldsteds).  Ætli Ásta Möller hafi frétt þetta?  Og hvað segja Staksteinar Moggans við þessu?  Það vakna ýmsar spurningar, en eitt er víst!

       Lengi lifi Forseti vor á Bessastöðum!

86% styðja Ólaf Ragnar

Jahá...

...og kjósendum Sjálfstæðisflokksins!

Fasteignakaupsamningum fækkar

skrýtið!

Og nú halda allir andsk... íhaldsbloggararnir kjafti á íhaldsblogginu!  Sem er ekki skrýtið.  En þegar þeir fara í gang, þá má bóka eftirfarandi:  Þeir skýra fylgisleysið með því, að  A) Nýji meirhlutinn/borgarstjórinn sé nýtekinn við og hafi ekki sannað sig, B)  illkvittnir Íslendingar hafi notað veikindi Ólafs og Ólaf sjálfan fyrir skítakamar illra þanka sinna, C)  það sé ekkert að marka skoðanakannanir,  D)  það sé eitthvað að úrtakinu, E)  það séu tómir kommúnistar sem vinna á RÚV,  F)  úrtakið allt búi í 101 og á Grímsstaðarholtinu,  G)  ekki hefur enn unnist tími til að halda fundi í flokksfélögum Sjálfstæðisflokksins (en þar fer heilaþvotturinn fram, sem María Kristjáns er stundum að tala um.  Eftir slíka fundi verða menn til augnanna eins og Illugi Gunnarsson þegar hann er að verja Flokkinn sinn og Ráðherrana  sína).  H)  fólk er fífl!

P.s.  Hvernig verður IG til augnanna við fyrrgreindar aðstæður?  Jú, einsog nýdauður þorskur.

Fáir ánægðir með nýjan meirihluta

Með fallbyssu í glerhúsi!

Orðalagið "að kasta grjóti í glerhúsi" dugar ekki til að lýsa þessu bulli!  Ráðherrann hugumstóri, sem á sér þann draum helstan, að eiturefnið alkahól verði selt í öllum búðarholum landsins, ætti einsog fleirri að hægja aðeins á sér.  Hvaða skaði er af því að hafa sérstök reykherbergi á veitingahúsum sem og annars staðar í opinberum byggingum?  Er ráðherrann ekki í flokki, sem er á móti forræðishyggju, reyndar ásamt öllum helst ofstækismönnum og  forræðishyggjusinnum landsins í tóbaksvörnum.  En þar má engan milliveg finna.  Hvað nú, ef þessir "fáu" alsgáðu Íslendingar heimtuðu áfengisbann í öllum opinberum byggingum landsins, já, virku brennivínsdýrkendurnir fengju ekki einu sinni sérherbergi til að taka inn eitrið, sem þeir virðast ekki geta verið án?  Væri það ekki kölluð forræðishyggja?  Og ofstæki?  Og frekja?  Kannski það sé svona "fínt" að veltast fullur um og allt í lag bara ef fylliraftarnir reykja ekki?

Heilbrigðisráðuneytið brýnir stofnanir vegna reykingabanns

Ásta Möller í forsetaframboð???

Heyrst hefur, að Ásta Möller hafi nú lagst undir dýra loðdýraspelsinn sinn og íhugi forsetaframboð í fullri alvöru.  Ásta hefur, sem kunnugt er, lengi haft áhyggjur af lýðræðinu á Íslandi, og það veit sá sem allt veit, að innmúraðir hafa stórar áhyggjur af áfamhaldandi veru Ólafs Ragnars á Bessastöðum.  Ásta Möller stóð í fylkingarbrjósti innmúraðra lýðræðissinna fyrir síðustu Alþingiskosningar, og vakti mikla aðdáun og virðingu, þegar hún benti kjósendum á hvílík vá steðjaði að lýðræðinu, þar sem væri Ólafur Ragnar Grímsson.  Þar færi einstaklingur, sem vís væri til að afnema lýðræðið á landinu í einni svipann.  Nú hefur Ástþór ákveðið að gera, aftur og enn, grín að lýðræðinu með framboði sínu og friðar 2000, þannig að hinn mesti voði er á ferðum.  Annar er ógnun við lýðræðið og hinn gerir grín að því. Eru því góð ráð dýr.  Annað hvort verður hin innmúraða lýðræðisvalkyrja, Ásta Möller, að kýla á forsetaframboð eða við verðum bara að "sjanghæa" Ólaf F. á Bessastaði.  Ásta gæti rekið hjúkrunarþjónustu sína í betri stofunni á Bessastöðum og haldið áfram að mergsjúga sjúkrahúsin og heimaliggjandi sjúklinga, sem komast ekki fyrir á göngunum með nokkru móti (þökk sé heilbrigðisnefnd Alþingis), og verða því að liggja heima.  Sem sagt, hvort heldur verður fyrir valinu, Ásta eða Ólafur F., þá yrði forsetinn til heimabrúks.  Ásta kæmist varla af bæ vegna anna og Ólafur F, er ekki fyrir ferðalög, sem kunnugt er (enda ekki á vísan að róa í gheilbrigðismálum í Skandínavíu).  Áfram nú, allir innmúraðir í Ráðhúsi og Tukthúsi, björgum lýðræðinu!  Koma svo!

Ofvitinn að vestan!

Þetta er sami ofvitinn, sem á sínum tíma, vildi leggja af vaxtabætur.  Þær væru svo þennsluhvetjandi.  Já, gott ef ekki aðalástæðan fyrir þennslunni.  Læknisvottorð, takk!  Hver hleypti þessu inná þing og hver hleypti þessu inní stjórnarráðið?  Ekki reiðir hann vitið í þverpokum, blessaður auminginn!

Uppsagnir í bolfiskvinnslu ná til 300 starfsmanna

Ríkisbáknið...

...blæs út, sem aldrei fyrr.  Nú á að setja á laggirnar en eina ríkisstofnunina.  Og hverjir eru þar í fyrirsvari fyrir einn helsta andstæðing ríkisumsvifa, Guðlaug Þór Þórðarson.  Benedikt Jóhannesson, framkvæmdastjóri Talnakönnunar (?).  Er þetta sá hinn sami og er formaður stjórnar Tryggingastofnunar og situr í stjórnum einka- og fjármálafyrirtækja víða?  Hvenær hafa menn tíma til að sinna öllum þessum sporslum sínum hjá ríkisbákninu.  En kannski skiptir skilvirknin engu máli, enda fá menn greitt án tilllits til hennar.  Ekki það að BJ þurfi svo mikið á þessum peningum að halda, en þær eru margar matarholurnar.  Og þangað leyta peningarnir þar sem þeir eru fyrir, og svo er einnig um nefndabitlingana, sem svo voru nefndir hér í eina tíð.

En hvar er Ríkiskaup/Innkaupastofnun Ríkisins?  Er búið að leggja þá stofnun niður, eða hvað?

Benedikt verður stjórnarformaður sjúkratrygginga

Nefnd hér...

...og starfshópur þar.  Og ekkert gerist.  Tala og tala og tala meir.  Mjög einföld aðgerð til að uppræta fátækt:  Hækka bætur og hækka persónuafslátt í samræmi við hækkun framfærsluvísitölu frá þeim tíma, að staðgreiðslu var komið á.

Annað tiltækt ráð til úrbóta:  Afneitun.  Hvaða fátækt?  Það er engin fátækt á Íslandi.  Þetta er bara spurning um viðmiðun og að reikna rétt.  Þetta hefur gefist hægrimönnum vel. 

Þriðja ráðið:  Tala og tala og tala meir.  En hefur það gefist vel?  Nefnd hér og starfshópur þar.  Ágætis sporsla fyrir nefndarsetumenn.  Ekki fátæktin þar.  Hvar sækir maður um?

Aðgerðaáætlun gegn fátækt

Húmoristinn BB...

... kallar enn Fréttablaðið flaggskip Baugsmiðla(?).  Skondið að skipstjórinn á skútunni er fyrrverandi formaður Sjálfstæðisflokksins.  Má kannski segja, að hann fari af einni hriplekri dollunni á aðra?  Einhverjir fleirri góðir og gegnir Sjálfstæðismenn eru í áhöfnum flaggskipanna.  Og einnig einhverjir sem eru farnir annað.  Fréttablaðið er ekki jafn hrútleiðinlegt og það var um tíma.  Kannski vegna þess að sumir leiðinlegust hásetarnir fóru í annað pláss.  Verst að helsti hugmyndafræðingur Sjálfstæðisflokksins er enn einn af föstum dálkahöfundum blaðsins.  Hannes Hólmsteinn og Þorsteinn Pálsson eru skv. BB skríbentar Baugs.  Merkilegt! 

Merkilegt...

...að löggan mætti!  Nágrannarnir hafa sennilega hringt, en ekki fórnarlambið sjálft.  Heppinn að hann var ekki handtekinn.  En var eiginkonan flutt í kvennaathvarfið eða í sett í fangaklefa.  Eða bíður hún heima með hafnarboltakylfuna.  Þetta er sjálfsagt einhver fjandans femínisti með fórnarlambskomplex!

Annars er þetta þriðja fréttin, sem ég les um ofbeldisbeitingu kvenna í samskiptum við fólk í dag.  Er eitthvað að koma uppá yfirborðið, sem ekki hefur mátt tala um fram að þessu?  Hvað segja femínistarnir?

Á sjúkrahús eftir heimiliserjur

Tökum okkur nú saman ...

...í andlitinu og þöggum þetta vandamál áfram!  Við vitum það allir, að það er bara hlegið að karlmönnum með vandamál.  Að ég tali nú ekki um karlmenn sem búa við ofbeldi heima hjá sér, hvort sem það er andlegt eða líkamlegt.  Þegjum svo áfram, allir í kór! 

Bið að heilsa Ólafi F.!

 P.s.  Löggan neitar meira að segja að mæta á svæðið, þó eiginkonan veifi eldhúsbreddunni yfir höfðinu á eiginmanninum og kornabarninu á heimilinu!  Þegjum bara áfram!

Karlaathvörf yfirfull í Danmörku

Og hvað???

 

Fimm bandarískir hermenn létu lífið í sprengingu

Mannréttindabrot.

  Er þetta ekki sama konan og klúðraði skipun formanns barnaverndar.  Næst á dagskrá er mannréttindabrot á okkar minnstu bræðrum.  Uppástunga:  Jórunn Frímanns fái sér vinnu við eitthvað sem hún ræður við.  Hún  afhjúpaði sjálfa sig fullkomlega hér á blogginu fyrir rúmum 3 mánuðum í kjölfar valdamissis djélistans.  Þvílíkur málflutningur!  Ráðlegg öllum sem velta fyrir sér hverskonar manneskja þetta er að lesa blogg Jórunnar frá þeim tíma.

  Varðandi framfærslu Reykjavíkurborgar þá er hún í samræmi við þá hugmynd, að allir eigi rétt á lágmarksframfærslu.  Það er byggt á Mannréttindasáttmála Sameinuðu þjóðanna.  En um það veit Jórunn sjálfsagt ekki nokkurn skapaðan hlut.

Hugsanlegt að skilyrða aðstoð

Eitt lítið valdarán í síðdegisteboði í Vesturbænum!

Auðvitað er ég búinn skrifa undir, enda blöskrar mér óheilindin.  Ekki er nú endurkoman stórmannleg hjá Ólafi blessuðum.  Villi, gamli/góði, er sagður hafa sótt Ólaf inní fyrri meirihlutann.  Hvort Ólafi var rænt eins og Soffíu frænku skal ósagt látið.  Hann fær þó nóg að gera við þvotta líkt og Soffía.  Hún þvoði óhreint tau af ræningjum sínum, Ólafur fær nóg að gera við stórþvott á pólitískri æru sinni og hinna nýju vina sinna:  Við læðumst hægt um laut og gil...

Mótmæla nýjum meirihluta í borginni

Trúlegt...

eða hitt þó heldur!

Allt upp á borð varðandi REI