Ísraelar...

 

...herða tökin á Ghettóinu.  Hvenær verður gripið í taumana?  Gaza, Varsjá, Ramallha.  Hvað eiga þessi svæði sameiginlegt?  Hvað ætlar alþjóðasamfélagið að líða framferði Ísraelsstjórnar lengi?  Olmert talar um að íbúum Gaza verði ekki veittur neinn munaður.  Er forsætisráðherrann eitthvað bilaður?  Munaður íbúa Gazasvæðisins er svona svipaður og munaðurinn sem Gyðingum var boðið uppá í getthóinu í Varsjá, og svo skal herða tökin smátt og smátt.  Eru mannréttindi bara ætluð sumum í heiminum í dag?  Trúar-fasistaríkið Ísrael virðist endalaust komast upp með aðskilnaðarstefnu sína og hernaðarstefnu.  Varla eru það börn og gamalmenni, sem standa að þessum flugskeytaárásum.  Með öðrum orðum hinn almenni borgari.  Aðgerðir Ísraelsmanna bitna hinsvegar mest á þeim.  Hvenær ætla Sameinuðu þjóðirnar að siða þetta afkvæmi sitt til.  Undir verndarvæng UN og USA stunda Ísraelar hryðjuverkastarfsemi gagnvart óbreyttum borgurum innan lands og utan og fyrrnefndir aðilar líta undan og fjármagna ofbeldisstarfsemina. 

Frá stofnun hefur Ísrael verið stýrt af hryðjuverkamönnum og er enn!  Hvenær verða þeir stoppaðir af?

Olmert: Neyðarástand mun ekki skapast

Hægrimenn...

...eru ekki haldnir neinni sérstakri verkfælni þegar kemur að því að svíkja samherjana og stinga þá í bakið.  Það er alveg ljóst.  Fyrir einhverjum 100 dögum sviku dvergarnir sex þann sjöunda, Gamla góða Villa sinn.  Gamli góði Villi sveik dr. Ólaf í tryggðum eftir síðustu kosningar.  Síðustu vikur hafa farið í plástranir á borgarstjórnarflokki djélistans, en þó einkum í umvandanir innanflokks við einstaka fulltrúa. 

Ekki var að sjá, að allir borgarstjórnarfulltrúar djélistans væru jafn sprækir með framvindu mála, svo maður segi nú ekki, að þeir væru með skítabragð í munninum.  Gísli Marteinn, Hanna Birna og fleirri voru ekki mjög glöð að sjá og Þorbjörg Helga virtist vera með grátkökkinn í hálsinum. En kannski bara af gleði yfir að geta kannski krækt sér í feitann bita úr borgarstjórnarkjötkötlunum.

Nú ætla ég bara að vona að þeir fyllist ekkert af verkkvíða á vormánuðum!

Ólafur og Vilhjálmur stýra

Skríll!

Og svo ætla íslensk ungmenni að apa þetta eftir sbr. þetta ÍFÍ.  Ekki hefur nú menntakerfið og uppeldið skilað merkilegum afurðum þar!  Náttúruhamfarir í mannsmynd.  Minnipokamenning!

Brugðist við nýnasistum eins og náttúruhamförum

Að hengja bakara fyrir smið???

Ekki misskilja mig.  Ég er á engan hátt að verja þennan gjörning, en Árni greyið hefur sjálfsagt bara gert einsog fyrir hann var lagt.  Sem sagt hlýddi og gerði einsog honum var sagt.  En einsog einhver snillingur benti á eiga góðir drengir að njóta ætternis síns!  Enda vita allir Íslendingar að góð menntun og mikil starfsreynsla eru miklu síðri kostir heldur en að vera af góðum ættum, að ég tali nú ekki réttum ættum.  Annars hef ég nú alltaf hálfpartinn vorkennt þessum dreng,  Þorsteini Davíðssyni.  Vissi aldrei af hverju, en það laukst upp fyrir mér á laugardagskvöldið fyrir framan  imbann.

Oft gerst að ráðherrar fari ekki að áliti álitsgjafa

Í hænsnakofanum hjá Agli/Silfur Egils???

 

Ég ætla nú ekki að tjá mig um þáttinn í dag, nema frammistaða Egils Helgasonar í umfjölluninni um bókina "Islam með afslættin" vakti hjá mér bæði undrun og hálfgerða skelfingu.  Egill virtist ætla úr límingunum þegar hann tjáði skoðanir sínar um "múslima" og Islam.  Og einsog oft áður hafði hann mun meiri áhuga á að koma sínum skoðunum á framfæri, en að leyfa áhorfendum að njóta þekkingar og álits gesta þáttarins. Annar þeirra er einn fremsti sérfræðingur íslenskur um þessi mál, en hinn er meðal ritstjóra bókarinnar. 

Ég man eftir tveim málum öðrum sem virðast sérstaklega raska geði Egils, en það er kristin trú og kirkja og svo loftslagsmál og Al Gore, auk fyrrnefnds umræðuefnis.

Silfur Egils/Í hænsnakofanum hjá Agli líkist æ meir spjallþáttum á á Fox-sjónvarpsstöðinni.  Sú stöð er málpípa kristinni hægri-öfgamanna/Republicana.  Og þar fara menn einmitt gersamlega úr jafnvægi yfir fyrrnefndum málefnum.  Og hafa reyndar svipaðar skoðanir og Egill Helgason á þeim.  "Múslimar", Al Gore, loftslagsmál, frjálslyndi í trúmálum, femínismi, frjálslyndi í kynferðismálum, Sameinuðu þjóðirnar, etc.,etc.  Allt er þetta eitur í þeirra beinum.  Egill Helgason er farinn að samsama sig þessu hægrisinnaða öfgaliði æ meir.  Hvert stefnir þessi fyrrum frjálslyndi gæða þjóðfélagsrýnir?  Mér er spurn.

Bætt kjör láglaunafólks? Ábót.

Ekki nóg með einfeldnislegan málflutning, heldur fer framkvæmdastjóri Samtaka atvinnulífsins, Vilhjálmur Egilsson, með rangt mál þegar hann nefnir upphæðina, sem sérstök hækkun persónuafsláttar myndi "kosta ríkissjóð".  Mun þar aðeins skakka 26 milljörðum.  Svona villu leyfa sér þeir menn einir sem vanir eru að fjalla um fé sem þeir eiga ekki sjálfir.

Kostar ríkissjóð?  Fer það nú ekki að verða svolítið þreytt röksemd?  Og hvað með það þó að það kosti ríkissjóð einhverja peninga.  Er ekki kominn til að opna fyrir einhverja aðra sýn á veruleikann en þessa þreyttu sýn öfgafullra hægri manna frjálshyggjunnar.  Allar umbætur kosta peninga, en umbætur skila venjulega góðum árangri.  Öll samfélagsleg starfsemi kostar peninga.  Hægri öfgamenn vilja í orði kveðnu minnka umsvif ríkisins, en auka þau sífellt, þrátt fyrir sífelldan niðurskurð í félagslega kerfinu og heilbrigðiskerfinu.  Öll samfélagslega neysla, félagsleg aðstoð, heilbrigðisþjónusta og skólakerfi er í sífelldu fjársvelti.  Hvert fara svo auknar tekjur ríkissjóðs og aukin útgjöld?  Má sem dæmi nefna fáranlegan eftirlitsiðnað, sem skilar verri árangri en þegar sama starfsemi var á hendi opinberra fyrirtækja.  List- og skemmtiiðnað af ýmsu tagi sem rekinn er undir formerkjum listar.  Ekki má gleyma styrkjum til rekstrar samtaka atvinnulífsins af ýmsu tagi.  Rekstur rannsóknarstofnana sem þjóna atvinnurekendum og þeir tíma ekki að reka sjálfir fyrir eigið fé og enn síður að þeir hafi áhuga og frumkvæði til þess.

Hvað myndi ríkissjóður fitna mikið, ef laun væru hækkuð um 3% og hvert myndu þeir peningar renna á endanum?  Kannski í lækkaða skatta hátekjumanna?  Allavega ekki til Félagsmálaráðuneytisins eða Heilbrigðisráðuneytisins, þ.e. verkefna þeirra.  Reyndar virðist allt stefna í að ráðherra heilbrigðismála muni leggja heilbrigðisþjónustuna í rúst með einkavæðingarrugli.

Ys og þys útaf engu?

Ég bara spyr.  Farþegarnir voru hræddir.  En hræðilegt!  Verður þetta fólk aldrei hrætt í sínu daglega lífi?  Við vinnu og störf?  Fjöldi fólks sem vinnur þannig vinnu að aðstæður valda stundum hræðslu.  Og er alveg eðlilegt.  Manneskjur mæta kringumstæðum sem valda því hræðslu, bæði börn og fullorðnir.  Hræðsla er alveg eðlilegur hlutur.  Viðbrögð við hættu, raunverulegri eða ímyndaðri.  Það hefði verið ljótt hefði flugvélin farist vegna þess að flugmennirnir voru uppteknir við að hugga farþegana!  Skrýtinn þessi nútími!  Það má engum leiðast og enginn verða hræddur.  Hverslags eiginlega skemmtun vill fólk að lífið sé? 

„Ástandið um borð hræðilegt“

Bætt kjör láglaunafólks?

Það er alveg merkilegt, hvað Sjálfstæðismönnum er einstaklega illa við allar hugmyndir um að bæta kjör þeirra sem minnst hafa handa á milli, þ.e. láglaunafólks og lífeyrisþega.  Þetta hefur verið rauði þráðurinn í öllum þeirra málflutningi í skatta- og kjaramálum svo lengi sem nokkur man.  Nú kemur þessi fyrrverandi þingmaður og kjölturakki Sjálfstæðisflokksins, Vilhjálmur Egilsson, með illa ígrundaða og órökstudda gagnrýni á hugmyndina um sérstaka hækkun persónuafsláttar. En þessi málflutningur hans er í algeru samræmi við stefni hægriöfgamanna í skattamálum.  En feillinn sem Vilhjálmur gerir, sem málpípa Samtaka atvinnulífsins, er að hugsa málið ekki til enda.  Þannig er, að gerist A, þá gerist líka B.  Flóknara er það ekki!  Hvert munu þessar krónur renna, sem hugmyndin er að hækka persónuafsláttinn um.  Jú, stærstur hluti þeirra myndi renna aftur í ríkissjóð í formi virðisaukaskatts, tolla, vörugjalda, beinna skatta á fyrirtæki o.s.frv.  Heldur Vilhjálmur, að þessir peningar hverfi einfaldlega sjónum ofaní djúpa vasa fólks og inná verðtryggða reikninga?  Varla er hann svo einfaldur, eða hvað?  Er ekki málið, að í hvert skipti sem upp kemur hugmynd um að breyta til í skattakerfinu láglaunafólki til hagsbóta, þá byrja hægriöfgamenn að hrópa: Úlfur, úlfur...!Þetta kostar ríkissjóð, þetta kostar ríkissjóð...!  Það hefur dugað.  Það að umbætur kosti ríkissjóð er orðin gild röksemdarfærsla, líkt og röksemdarfærslurnar:  Það er svona í löndunum sem við viljum bera okkur saman við ..., erlendir sérfræðingar segja ...,.  Fullyrðingin "mun kosta ríkissjóð" er orðin  röksemdarfærsla í sjálfri sér líkt og hinar hér að framan.  En jafn ómerkileg og innihaldslaus!

Aukinn persónuafsláttur kostar 40 milljarða

Og enn svíkur Samfylkingin!

Það hefur ekki farið hátt, að barnabætur og vaxtabætur munu á þessu ári lækka enn einu sinni að raunvirði.  Samfylkingin hefur haft um það stór orð, að barnabætur verði endurskoðaðar og hækkaðar.  Sama á við um vaxtabætur.  Ekki sér því stað í fjárlagafrumvarpinu.  Enn á að lækka raunvirði þessara bótaþátta, reyndar einsog annarra bóta frá ríkinu.  Barnabætur og vaxtabætur vega kannski ekki nóg í heimilisbókhaldi flestra Íslendinga til að það veki nokkra athygli, þó þær séu skertar enn einu sinni.  Og ekki fara nú fjölmiðlar í eigu og undir stjórn Sjálfstæðismanna að vekja athygli á málinu.  En það eru reyndar allir fjölmiðlar í landinu ýmist í eigu eða undir stjórn þeirra, svo þöggunin er ekki flókið mál.  En hvað orðið hefur um fyrirætlanir Samfylkingarinnar um umbætur í félags-, almannatrygginga- og heilbrigðismálum veit ég ekki.  En ekki sést að nein breyting hafi orðið í þeim málaflokkum, þó Samfylkingin hafi tekið við hlutverki Framsóknarflokksins.

Félagsmálaráðherra svíkur bótaþega Tryggingastofnunar!

Mikill loforðaflaumur Samfylkingarinnar, og stór orð, um umbætur í málefnum lífeyrisþega hafa reynst innantómur lygaþvættingur.  Þetta varð ljóst nú um áramót.  Bætur Tryggingastofnunar hækka aðeins um áramót og hækkunin nú um þessi áramót heldur ekki í við verðbólguna.  Sem sagt, enn mega lífeyrisþegar búa við það að bætur Tryggingastofnunar rýrna að verðgildi.  Það er gott fyrir Jóhönnu Sigurðardóttur, að núverandi formaður Öryrkjabandalagsins er yfirvöldum auðsveipur, enda hefur hann sagt að hann muni ekki beita sömu hörku í baráttunni fyrir lífskjörum umbjóðenda sinna og fyrri formaður.  Ríkisstjórnin getur því verið alveg róleg og haldið áfram að skerða lífskjör elli- og örorkulífeyrisþega.  Og loforðin, skítt með þau!  Enda skal stefnt að því "að fækka öryrkjum" með fulltingi formanns Öryrkjabandalagsins.  Hvort beitt skal sömu aðferðum og í Þriðja Ríkinu forðum er ekki vitað enn.  Þó skal á það bent, að aðeins þar hefur tekist "að fækka öryrkjum."

Hysjað uppum sig!

Er þetta nú ekki eitthvað á skjön við málflutning Siðmenntar áður og talsmanna þess.  Það er einsog mig minni að þeir hafi viljað negla fyrir allar hurðir þegar kirkjan er annars vegar.

Siðmennt ekki á móti litlu jólunum

Siðmennt???

Trúarofstækismennirnir trúlausu í þessu svokallaða "Siðmennt" gera sig nú líklega til að taka yfir stjórn skóla og kirkju.  Þessi örsmái sérvitringaklúbbur hefur hátt svo sem siður er ofstækismanna.  Það væri óskandi að ekki verði hlustað á klúbbinn.  Sennilega er til of mikils mæls að ætlast til að hinir "siðmenntuðu" leyfi 90% þjóðarinnar að lifa sínu lífi áfram án þeirra afskipta.  Við treystum okkur ágætlega til að ala börnin okkar upp án þeirra afskipta.  Þar á meðal til að ákveða hvaða kennslu/innrætingu börnin okkar fá.  Klúbburinn heldur svo bara áfram sínu félagsstarfi án okkar afskipta.  Í Guðs bænum, Siðmennt, látið okkur hin í friði með okkar líf og okkar börn og okkar trú! 

 

Lostaket?

Verður þetta ekki bannað í Reykjavík einsog hitt lostaketið, þ.e. súlu...

Lostalengjur úr ærkjöti frá Ströndum

Vegið að forsetaembættinu.

Það er skýrt að Ólafur hefur greint stöðuna alveg rétt, enda hafa hægri-öfgamenn sífellt reynt að níða niður bæði embætti forseta lýðveldisins, svo og þann sem því gegnir (að undanskilinni Vigdísi).  Skemmst er að minnast árása frambjóðenda Sjálfstæðisflokksins og þingmanna á forsetann fyrir síðustu kosningar.  Þá létu sumir úr þeirra röðum hafa sig í að kalla forseta Íslenska lýðveldisins "ógnun við lýðræðið."  Einhversstaðar í hinum siðaða heimi hefði slíkt dugað til að viðkomandi hefði þurft að draga sig í hlé frá opinberum störfum, hvað þá þingmennsku.  Eða heldur einhver að menn kæmust upp með það á Bretlandi að kalla þjóðhöfðingjann "ógnun við lýðræðið." 

Ekki hefur heyrst, að nokkur úr röðum Sjálfstæðismanna hafi beðist afsökunnar á þessum orðum, hvorki forsetann né þjóðina (það er jú þjóðin sem kýs forseta sinn)!  Verður sú ályktun aðeins dregin af því, að þetta sé skoðun flokksins og viðkomandi þingmanna.  Þessu verður ekki gleymt og við hæfi að rifja það upp við.

Það hlýtur að vera "með óbragð í munni" (tilv. í Davíð Oddsson, þá forsætisráðherra, um kjósendur í Reykjavík, þegar þeir kusu ekki eftir hans höfði), sem þingmenn Sjálfstæðisflokksins hrópa húrra fyrir fósturjörðinni og forseta lýðveldisins! 

Forsetinn ætlaði einnig að hafna breyttum fjölmiðlalögum

Kærleikssiðfræði eða lögmálið?

 

Lögmálssiðfræði eða kærleikssiðfræði? Hvað vilt þú?

   Hvað oft frelsarinn sniðgekk þær reglur og þau lögmál sem ríktu í samfélagi Gyðinga á hans tíma vitum við ekki, en um nokkur slík dæmi má lesa í Guðspjöllunum. Þetta gerði hann til að undirstrika boðskap sinn. Mér er alveg óskiljanlegt, að við kristnir eigum að lifa í skugga lögmáls Gyðinga. Ætli færi þá ekki að fara um marga. Á að lífláta fólk í samræmi við lögmálið, þar sem það á við samkvæmt lögmálinu? Eiga konur að þola að undirgangast þær reglur, og framkomu, sem viðhafðar voru skv. Gamla Testamentinu? Eða eigum við að týna til eitthvað sem hentar okkur í það og það skiptið? Má nefna afstöðina til mála eins og stofnfrumurannsókna, afstöðuna til samkynhneigðra, prestsþjónustu kvenna o.s.frv. Kannski má eiga von á sömu afstöðu til þeirra sem uppvísir verða af hórdómi, til réttinda kvenna, til mágaskyldunnar, til sjúkra og fatlaðra (þeir eru taldir syndarar, þessvegna eru þeir sjúkir eða fatlaðir). Sjálfsagt mætti halda áfram til eilífðarnóns, en mig brestur þekkingu til að telja upp allar þær reglur og lög sem gamla lögmálið býður mönnum að búa við. Mér skilst að lögmálsþrælkunin leggi á menn að fylgja nær 600 reglum og lögum í sínu daglega lífi, og þá er ekki verið að tala um mannanna lög, heldur lög og afleiddar reglur gamla lögmálsins. Kristnir lögmálsdýrkendur leggja mikla áherslu á gamla lögmálið, en virðast gleyma nýja lögmálinu sem Jesú færði okkur, að minnsta kosti er þeim ekki jafn tíðrætt um það sumum. "Kjarni kenningarinnar um guðsríkið, að það væri komið í Jesú og með honum, varð til þess að Jesú hafnaði lögmáli gyðinga, eða uppfyllti það eins og hann sjálfur sagði.......Eina boðorðið sem einhverju skipti að dómi Jesú, var að elska guð og náungann eins og sjálfan sig, hið tvöfalda kærleiksboðorð. Í stað lögmálssiðfræði kom kærleikssiðfræði. Áður hafði maðurinn þurft að fylgja lögmáli til að frelsast. Nú skyldi kærleikurinn settur í öndvegi" (Þórhallur Heimisson, Hin mörgu andlit trúarbragðanna).

Hatur vekur illdeilur, en kærleikurinn breiðir yfir alla bresti. Viska er á vörum hyggins manns, en á baki hins óvitra hvín vöndurinn. (Orðkviðirnir 10, 12-13). Þó ekki vöndur lögmálsins eða hvað?                              

Þetta er byggt á algjörum misskilningi!

Hefur einhver heyrt þetta áður?  Byggt á misskilningi eða vanþekkingu er vinsælt andsvar hjá bæði stjórnmálamönnum og embættismönnum þegar þeir verða fyrir gagnrýni á verk sín.  Í stað þess að svara málefnalega saka þeir gagnrýnendur sína um vanþekkingu og misskilning.  Verðum við ekki að fara gera meiri kröfur til þeirra sem við ráðum til starfa, hvort heldur er í stjórnmálum eða í stjórnsýslunni.  Í þessu tilviki verður að líta svo á að gagnrýni Atla Gíslasonar þingmanns og hæstaréttarlögmanns sé á rökum reist.   Þangað til þessir menn leggja öll gögn á borðið og sanna mál sitt og hreinsa sig þar með af öllum grun um spillingu. 

Segja sérlög gilda um sölu eigna á varnarsvæðinu

Gaman að vita...

...hvað Lucy þessi á mörg börn.  Varla þurfa börnin að kunna skil á Barnasáttmálanum til að þekkja til þessara umræddu réttinda sinna!  Það er nefnilega þannig að þessi réttindi eru tryggð í landslögum, þó svo Barnasáttmálinn hafi ekki verið leiddur í lög í landinu.

Streitan hefur neikvæð áhrif á börn

Á þetta að vera grín...

...eða hefur þingið ekkert þarfara að gera en þetta.  Ekki það, að það séu merkileg málefni sem eru til umræðu í þinginu mestan part dags, en þetta hlýtur að vera toppurinn eða réttara sagt botninn.  Þúsundir Íslendinga eiga ekki fyrir mat mestan part mánaðarins, 200 manns heimilislausar, 800 manns á biðlista eftir félagslegu húsnæði í Reykjavík, ekki er hægt að eyða sýktum dýrahræjum, heilbrigðiskerfið á hausnum, verkafólk býr í flutningagámum, stór hluti vinnandi fólks lifir undir fátæktarmörkum..........

En áhugamál þingmanna eru starfsheiti ráðherra og misjafnlega heimskuleg brennivínsfrumvörp!  Er hægt að komast neðar eða fer ekki botninum að verða náð?

Vill nýtt starfsheiti fyrir ráðherra

4 stig og yfir...

...á Flóanum og utan við Reykjavik, en ekkert í fréttum um það.  Hvernig stendur á því?

Skjálftahrinan í rénun

Stórhneyksli í uppsiglingu?

Fyrirtæki Þorgils Óttars Mattíesens ku hafa keypt 80% húseigna á Keflavíkurflugvelli á hálfvirði af ríkinu.  Þorgils er bróðir Árna dýralæknis og fjármálaráðherra.  Er efast um lögmæti sölunnar.  Um þetta má lesa á visir.is.