Óviðeigandi!

Síðan hvenær var það í verkahring Seðlabankastjóra að tjá sig um skoðanir sínar á störfum yfirmanns síns.  Það getur vel verið að einstaklingurinn Eiríkur Guðnason hafi skoðanir á störfum ríkisstjórnarinnar, en það er ekki í verkahring Seðlabankastjórnar að hafa skoðun eða tjá sig um hvað ríkisstjórn Íslands telur mikilvvægt.  Það má svo benda á, að það er algert forgangsatriði, ef reisa á við traust Íslands útá við, að stokka upp í Seðlabankanum!.  Það er ekki aðeins skoðun einstakra íslenskra stjórnmálamanna, heldur almenn skoðun í fjármálaheimi nágrannaríkjanna og sérfræðinga í fjármálaheiminum.  Sama hvaða skoðun menn hafa á þeim persónum, sem nú sitja sem fastast í embættum sínum í skjóli laga landi og þjóð til skaða.

Furðar sig á vinnubrögðum

Veðmangarar og fjármálafíklar...

...eiga sér greinilega nóga formælendur í Sjálfstæðisflokknum.  Hvorki meira né minna en 29 nýfrjálshyggjusinnar berjast um sætin.  Í vor munu svo færri komast að en vilja, og vonandi sem fæstir!  Hinnar hugmyndafræðilegu  endurskoðunar sjást engin merki á þessum lista wannabe-anna í Sjálfgræðisflokknum!

Illugi nýtur mests stuðnings í 1. sæti í Reykjavík

Spurning við málflutning Sturlu Böðvarssonar: Er jafnræði þegnanna einhverskonar ógnun við sjálfstæði og virðingu Alþingis?

Samkvæmt Sturlu er lagfæring á eftirlaunaósómanum til þess fallin að grafa undan þinginu og störfum þingmanna!  Forréttindi þingmanna og ráðherra séu nauðsynleg til að þingmenn haldi virðingu sinni og sjálfstæði.  Er svona málflutningur boðlegur?

Einn þingmaður délistans, Pétur Blöndal, stendur sjálfstæður gegn flokksræðinu í þessu máli, einsog mörgum öðrum. Hann telur reyndar að of stutt sé gengið í þessari leiðréttingu.  Þingmenn og ráðherrar hefðu átt að færast í almennan lífeyrissjóð, en ekki í lífeyrissjóð ríksstarfsmanna, þar sem réttindaávinnsla er betri.  Hann styður einnig frumvarp Framsóknarflokksins um stjórnlagaþing.  Er hann eini sjálfstæði þingmaður délistans á þinginu?

Geir H. Haarde er sannur að ósannindum á Alþingi!

Í dag fullyrti hann, að það væri ekki satt hjá Jóhönnu, að bréfaskipti og ráðgjöf IMF væru trúnaðarmál!  Nú hefur hið sanna komið í ljós:  Geir H. Haarde er ósannindamaður í þessu máli og hið sama gildir um fylgisveina hans!  Hvaðan hafði Geir upplýsingarnar sem hann byggði ósannindi sín á?  Eða bara einfaldlega laug hann?

Davíð og dularfulla bréfið

Það er ekki nóg að skipta bara um haus á jakkafötunum!

Er það alveg víst að þetta sé Geir á myndinni?  Getur ekki verið að þetta sé Össur eða Jóhanna eða Steingrímur?  Vissulega heimskulega spurt!

En það er einsog það eina sem gerðist við stjórnaskiptin hafi verið að skipt var um hausa á jakkafötunum!  Það er sami sinnuleysið og sama óréttlætið gagnvart hinum venjulega Íslendingi!  Stjórnarskiptin hafa engu breytt um það! 

Hagkerfið er í rúst eftir burgeisana!  Atvinnulífið í rúst!  Atvinnuleysi fer um landið og heimilin einsog eldurinn sem gleypir allt!  Verðtrygging auðvaldsins hækkar lánin og hækkar! Bankaþrotabú auðstéttarinnar eiga veð í eignum stórs hluta landsmanna!  Og það sem alþýðu manna er rétt er greiðsluaðlögun og heimildir til frestana á útburði af heimilum sínum!

Það er einsog hugsanagangur nýfrjálshyggjunnar hafi sest að í Stjórnarráði Íslands fyrir fullt og fast!  Alræði auðhyggjunnar ríkir þar enn!  Og skítt með það, þó veðin falli og heimilin leysist upp!  Karlar, konur og börn, já lítil börn, verði borin út!  Svo auðvaldið fá sitt.  Sitt réttlæti og sín veð! 

"Móðir mín í kví, kví.

kvíddu ekki því, því.

Ég skal lána þér duluna mína að dansa í, að dansa í."

VERÐUR ÞAÐ SÖNGURINN, SEM HEYRAST MUN ÚR DYRAGÆTT STJÓRNARÁÐS ÍSLANDS?

Tilnefningar til blaðamannaverðlauna birtar

Einsog reyndar flestir glæpir burgeisanna!

  Ekki tók löggan eftir svikamyllunni í SPRON.  Það er ekki fyrren nýverið að málinu var vísað til efnahagsbrotadeildarinnar.  Það mál er reyndar, að sögn, eina málið sem þar er í rannsókn!  En stóra svikamyllan gengur sem aldrei fyrr!  Þrotabú fjárglæframannanna í bönkunum eiga veð í fasteignum stórs hluta landsmanna og engum dettur í hug að taka veðin af þeim.  Það er ekki nóg að setja allt hagkerfið á hausinn heldur eiga þrotabúin eftir spillingarferil gulldrengja Sjálfstæðisflokksins (þessir sem voru í talsambandi við flokkinn) að fá að ganga hér að húseignum og heimilum landsmanna ef svo ber undir!  Þarf ekki að fara að stöðva þennan fjanda?  Ekki sýnir þessi nýja ríkisstjórn neinn lit til þess!

Mér er næst að halda að eitthvað verulega róttækt þurfi að eiga sér stað í landinu til að RÉTTLÆTISKENND stjórnmálastéttarinnar sýni lífsmark!

Þarf alþýða þessa lands að grípa til vopna til að verja heimili sín fyrir þessum hlaupatíkum kapítalismans?

Peningaþvætti gæti hafa farið fram hjá lögreglu

IMF með pólitíska afskiptasemi?

Var ekki búið að ljúga því að okkur, hér í landi lyginnar, að IMF blandaði sér ekki í innanlandsstjórnmál þeirra ríkja, sem leituðu aðstoðar sjóðsins.  Nú er IMF að skipta sér af frumvarpssmíði á Íslandi.

"Ég hefði kannski átt að gera það."

Sjúbb!  Ég er farinn að vorkenna Geir Hordí.  Mikið skelfilega á maðurinn bágt.

En aðallega velti ég þessu fyrir mér:  Hvað óttast maðurinn?  Við hvað eða hvern er hann svona hræddur?  Hvaða afleiðingar hefði það fyrir hann, að segja bara satt og rétt frá?  Hvað á hann yfir höfði sér geri hann það?

Eitthvað er það, sem kemur í veg fyrir að hann segi sannleikann!  En hvað?  Það fer að verða meira spennandi að fá að vita það, en að fá að vita hvað Geir veit, eða veit ekki, um aðdraganda hrunsins!

Sem sagt!  Hvað óttast Geir?

Boris lemur á Pútín.

Boris þessi er í stríði við Pútín.  Það segir mest um slæma stöðu okkar Íslendinga, að nú reynir Boris þessi að nota óorðið, sem við höfum á okkur, til að koma höggi á Pútín!

Skv. Sky notar Boris allt, sem hann getur, til að koma höggi á fjandvin sinn.  En er þetta samt ekki of langt gengið?

Ef nafn einhvers í útlöndum tengist Ísland virkar það einsog viðkomandi hafi stigið á illalyktandi hundaskít!

Alþjóðlegum lögum framfylgt hér

Eða steinvölur!

Rökréttar ákvarðanir hafa ekki verið sterkasta hlið íslenskra stjórnmálamanna til þess!  Sporin hræða!

Rökrétt að taka upp evru

Einelti útlendinga...

...gagnvart einum af mætustu sonum Íslands.  Hvar er Útlendingaeftirlitið?

Takið eftir vafasamri fyrirsögn mbl.is.  Ábending:  Það er ekki listinn sem er vafasamur, heldur karakterarnir á honum!  Það er ég viss um að bein Al Cabone roðna í gröfinni!

Davíð Oddsson á vafasömum lista

Átrúnaðargoð sumra hægri og öfgatrúar bloggara!

Hægriöfgamenn og ofsatrúarseggir ýmsir hafa tekið þennan í hálfgerða guðatölu. 

Bretar vísa hollenskum þingmanni úr landi

Time telur DO einn af helstu sökudólgunum. VinstriGrænir sitja ekki í ritstjórn (svona tilað fyrirbyggja bullið í délistanum).

 

25 People to Blame for the Financial Crisis

Blameworthy

 

David Oddsson

 

Article Tools  

 

Print

Email

Sphere

RSS

 

Over the two decades in which David Oddsson held public office, first as Iceland's Prime Minister and then as the governor of the central bank, he ushered in a new era of free market economics, privatizing Iceland's three main banks, floating its currency and ushering in a golden age of entrepreneurship. Whoops. Iceland's economy instead is a textbook case of macroeconomic meltdown: The three banks, which were massively leveraged, are in receivership, GDP could drop by 10% this year, and the IMF has stepped in after the currency has lost more than half of its value. Nice experiment.

 

See pictures of the global financial crisis.

Watch TIME's video, "In Iceland, Frozen Accounts, Boiling Assets."

Fyrrverandi forsætisráðherra er forstokkaður!

Ásamt fylgiliði sínu sér hann enga ábyrgð hjá sér og sínu hyski!

Geir hefur ekki séð ástæðu til að ræða við Gordon Brown:  "Það er kannski best að gera ekki neitt." 

Aðaleigandi N1 býður sig fram til formanns í nýfrjálshyggjuflokknum, sem segir aðeins eitt.  Sjálfstæðismenn munu halda fast í trú sína, nýfrjálshyggjuna!

Niðursveiflan meiri

"Oft er þörf en nú er nauðsyn...

...á ábyrgri stjórn efnahagsmála." 

Þannig hóf Geir Haarde ræðu sína um efnahagsmál í dag á Alþingi.  Þetta segir formaður stjórnmálaflokksins sem ber helsta ábyrgð á hruni efnahags þjóðarinnar.  Maðurinn sem átti sér þetta mottó á alltof löngum ferli sínum í stjórnmálum þjóðarinnar:  "Það er kannski best að gera ekki neitt."

Afsagnir formanna bankaráðanna hluti af blekkingaleik og áróðursstríði Sjálfstæðismanna!

Þrátt fyrir að Steingrímur J. hafi beðið formennina að sitja fram yfir aðalfundi bankanna hafa þeir ákveðið að segja af sér strax.

Þetta kalla Sjálfstæðismenn, að formennirnir hafi verið hraktir úr störfum í meintum hreinsunum stjórnarinnar!

Birgir Ármannsson játar ábyrgð Sjálfstæðisflokksins á efnahagshruninu!

Birgir Ármannsson sagði, í karpi sínu við Jón Bjarnason á Alþingi, að laga/bæta þyrfti lagaumhverfi fjármálafyrirtækja til að sagan endurtaki sig ekki.

Það er þannig, að það lagaumhverfi, sem fjármálafyirtæki hafa haft til að leika háskaleiki sína með efnahag þjóðarinnar, er á ábyrgð Sjálfstæðisflokksins.  Lagasetningar, sem byggðu á hugmyndafræði nýfrjálshyggjunnar, sem einnig er grundvöllur stefnu Sjálfstæðisflokksins, voru samþykktar af þingmönnum Framsóknarflokksins, Sjálfstæðisflokksins og Samfylkingarinnar.  Undir forystu Sjálfstæðisflokksins í krafti fjölda þingmanna sinna.

Nú hefur sem sagt BÁ játað ábyrgð sina og flokks síns á hruni efnahagskerfisins!

"Stjórn allra flokka....." ?

Og undir forystu Sjálfstæðismanna? Þeir gerðu kröfu um það.  Sjálfstæðisflokkurinn var búinn að gera það öllu ljóst, að hann sest ekki í ríkisstjórn öðru vísi en að Sjálfstæðismaður sitji í forsætisráðuneytinu. Samfylkingin tók ekki í mál að starfa áfram í slíkri ríkisstjórn!  Og ég efast um að Vg hefði tekið slíkt í mál.  Hvernig Vg hefði átt að setjast í stjórn með fólki, sem í áratug (og lengur) hefur fullyrt, að Vg væri óstjórntæk!  Hvað hefði tekið langan tíma að berja saman slíkt fyrirbæri?

Ég meina það, hverskonar rugl er þetta?  Með fullri virðingu fyrir Sturlu, þá er svona rugl honum ósamboðið!

Og enn er hnýtt í forsetann.  Ég er farinn að halda að bóndinn á Bessastöðum sé réttdræpur landráðamaður.  Ef trúa má orðum Sjálfstæðismanna...  En því miður, þá trúa þeim fáir!  Allt þetta rugl Sturlu og Geirs um forsetann er of langt gengið! 

Og kominn tími til að linni:  Lengi lifi Forseti vor á Bessastöðum!  Hann lifi...þrefalt húrra!  Var það ekki þannig sem Sturla og Geir, ásamt öðrum þingmönnum, hylltu Forseta Vorn á sjálfu Alþingi Íslendinga?  Hverskonar framkoma er þetta?  Eigið þið ekki að fara fjöruleiðir  hér eftir, Sturla og Geir?

Herdís Þórðardóttir?  Sat hún á þingi? Jasso!

Sturla og Herdís hætta

Mig langar að spyrja forystu Sjálfstæðisflokksins einnar spurningar, sem er ókurteisleg og engan veginn við hæfi: EN Á HVERJU ERU ÞIÐ?

Á fundi í Verði kom fram í ræðu Geirs, að forseti  Íslands hefði vitað af stjórnarskiptunum á undan sér!  Mbl.is hefur kosið að þegja um þetta.  Ég spyr líka:  Hvernig í ósköpunum tókst þér að vita EKKI af yfirvofandi stjórnarskiptum?  Eftir því sem ég best veit vissu nær allir Íslendingar af yfirvofandi stjórnarskiptum,  óskuðu eftir þeim og kröfðust þeirra!  Allir vissu það nema hin útvalda forysta Sjálfstæðisflokksins og nánustu stuðningsmenn hennar!

Það virðist vera einkenni á  Sjálfstæðismönnum að vita ekki neitt og gruna akki neitt!  Bankahrunið kom þeim á óvart, fjármálakreppan og efnahagshrunið kom þeim á óvart!  Og stjórnarslitin komu þeim á óvart!

Við vitum öll að landsfundur flokksins hefur ekki samþykkt hrunin, kreppurnar, stjórnarslitin né myndun nýrrar ríksstjórnar án Sjálfstæðisflokksins.  En átti þetta allt að koma forystunni svona mikið á óvart?  Er það nú normalt?

Á hverju eru þið eiginlega?

P.s. Þessi fullyrðing Geirs um vitneskju forsetans átti að vera til að koma höggi á forsetann, en hvílíkt vindhögg!!!

Prófkjör um miðjan mars

2000 milljónir sparast...BÁKNIÐ BURT!!!

...með því að leggja niður Sjúkratryggingastofnun og Varnarmálastofnun.  Svona mætti grisja BÁKNIÐ BURT!  Leggja af styrki til stjórnmálaflokkanna ca 400 milljónir.  Leggja af skatta og greiðslur vegna safnaða og trúfélaga!  Afleggja þjóðkirkjuna!  Bara þessar sparnaðartillögur eru uppá ca 5000 milljónir að minnsta kosti.  Í fljótu bragði sýnist mér að við þurfum ekki nema 4 sendiráð. Í Kaupmannahöfn eða Stokkhólmi, í Brussel, New York og Peking!  Feitur sparnaður þar!  Svona mætti lengi telja!  En sjálftökubófarnir vilja bara skera niður það sem snýr að okkar minnstu bræðrum og systrum.

Báknið Burt!

Sparnaður á geðdeild FSA 6-7 milljónir í ár