Aulaleg valdaklíka!

Ein spurning til SjáLfstæðisFLokksins:  Hvar ætlar FLokkurinn, og Bjarni, að fá 50 milljónir til að "endurgreiða" þessa peninga (vonandi með vísitölu uppbót)?  Eiga kapítalistarnir einhverja peninga til að "gefa" FLokknum eftir hrunið í boði SjáLfstæðisFLokksins?  Og ef svo er, hafa þeir einhvern áhuga á að "gefa" FLokknum peninga nú, þegar hann missir sífellt meiri völd og ítök? 

"Hún brýst fram með ýmsum hætti, glæpahneigðin."  Sagði ein frú hér í bæ um um ónefndan bæjarstjóra úr röðum SjáLfstæðisFLokksins fyrir nokkrum árum.  Það skildi þó ekki vera?

Skilað til lögaðila

Brjóstumkennanlegt málþóf minnihluta þingmanna á háttvirtu Alþingi!

Langlokur délistans eru dapurlegar í ljósi stöðunnar.  Fjórum klukkustundum eyddu þeir í að ræða þingmál, sem þeir voru í einu og öllu sammála.  Á annað hundrað skipti hafa þeir staðið og rætt fundarstjórn forseta.  Nú þegar þeir ræða srjórnarskipunarlög nota þeir tímann í að ræða mál, sem koma málinu ekkert við.  SKK notar stóran hluta tíma síns til að reyna að hvítþvo Sjálfstæðisflokksins af allri ábyrgð á 18 ára stjórnarsetu sinni.  Allt er öðrum að kenna.  Það sem þeir hafa helst að athuga við stjórnlagaþingið er að vald þingsins skerðist.  Skrautfjöðrum délistans hefur, ásamt öðrum þingmönnum, mistekist að endurskoða stjórnarskránna,  svo að vit sé í! 

Hvernig stendur á því, að þingmenn délistans beita málþófi í öllum málum ef délistanum er svona annt um framganga mála á Alþingi?  Þeir tala um að hraða þurfi þingstörfum, en tefja svo öllu mál, sem fram koma?

Hvað segja kjósendur flokksins um það?  Sumir hafa beðist afsökunar á að hafa greitt flokknum atkvæði sitt.  Munu þeir kjósa flokkinn aftur engu að síður?

„Hættið þessu helvítis væli"

X-D Í FÚLAN PYTT!

 

Ábyrgðarlaus smáflokkur í stjórnarandstöðu? Stétt með stétt? Fari það í fúlan pytt!

Höfuðstólslækkun skulda?  Nú er Sjálfstæðisflokkurinn kominn útí að draga kjósendur á asnaeyrunum í kapp við Framsókn.  Þessir tveir flokkar einkavæddu bankakerfið á sínum tíma.  Komu því í hendur einkavina sinna, sem "voru í talsambandi við flokkinn" undir forystu DODO!  Nú á að kaupa sér atkvæði með ábyrgðalausum yfirboðum og fáránlegum gylliboðum með "velferðarkerfi" fyrir hina "ríku" og stórskuldugu.  Almúginn gat ekki slegið 50-100 milljónir í bönkunum útá glæsivillur.  Greiðslumatið leyfði aðeins hátekjufólki slíkar skuldsetningar.  Nú á sem sagt að bjarga málum með hlutfallsslegri lækkun  skulda.  Sá sem gat bara fengið lán hjá Íls uppá 10 milljónir á að fá lækkun uppá 2 milljónir.  Sá sem fékk lán uppá 50 milljónir bankanum sínum á að fá lækkun uppá 10 milljónir o.s.frv. 

Þetta kallast nú ekki félagsleg úrræði eða á neitt skylt við jöfnuð!  Sama reddinga-spillingin áfram.  Hygla hátekjufólki á kostnað alls samfélagsins, og skattgreiðendur framtiðarinnar eiga að svo að borga.  Og hvernig er svo skattkerfið leikið eftir stjórnarsetu sjálfhygliliðsins?  Byrðarnar hafa verið fluttar af hinum efnameiri á hina sem minnst mega sín, lágtekjufólkið!  Stétt með stétt? (Mússólíní væri hrifinn, en frá honum er slagorð Sjálfstæðisflokksins fengið).

Fari það í fúlan pytt!

Hugsa upp á nýtt??? Einkavæðing bankanna, einkavæðing heilbrigðiskerfisins, hvað svo?

Á nú að bæti í í einkavinavæðingarstefnu Sjálfstæðisflokksins?  Fráfarandi formaður rekur hrun fjármálkerfis þjóðinnar til einkavæðingar bankanna undir forystu flokksins.  Vilja nú Sjálfstæðismenn fara sömu leið með heilbrigðiskerfið?  "Brennt barn forðast eldinn."  En skaðbrenndur einkavæðingarflokkurinn stingur hendinni í eldinn, eða hvað?  Hverslags trúarbrögð eru þetta hjá þessu fólki, þessi nýfrjálshyggja?  Er hún ekki á skjön við "hin gömlu gildi"  flokksins?  Ætlar "fólk" að halda áfram að bregðast eða vill flokkurinn halda áfram á sömu braut?

  Það er ljóst að Sjálfstæðismenn hafa ekkert lært af afglöpum sínum!  Og þeir hafa heldur engu gleymt!  Sama leið skal valinn.  Leið flokksins, sem leiddi þjóðina nánast á vonarvöl!

Hugsa þarf heilbrigðismál upp á nýtt

Allt er vænt sem vel er grænt!

  Eða þannig!

Stórfelld kannabisræktun stöðvuð

Ekki það?

Þegar ég lít til baka yfir síðustu árin, þessi ár sem útaf öllum döllum flóði, líður mér einmitt þannig!  Stórkallaleg hegðun þessarar micro-þjóðar er ansi hálfvitaleg á stundum.  Hér rífum við kjaft með allt niðrum okkur og þykjumst aldeilis geta staðið ein og óstudd með okkar halfvitalegu krónu útí ballarhafi! Íslandi allt! 

Íslendingar engir hálfvitar

Andsemítismi innan Ísraelshers?

Nú hafa ísraelskir hermenn afhjúpað eigið framferði á Gaza.  Fram að þessu hefur öll gagnrýni á Ísrael, og allt Ísraelskt, verið talið til marks um Gyðingahatur af sjálfskipuðum sérstökum vinum Gyðinga.  Spurning hvort þeir muni nú telja þessa hermenn vera Gyðingahatara.  En það hlýtur að vera, vilji þeir vera samkvæmir sjálfum sér!

Eitt sem þarf að varast sérstaklega: Aula-hagfræði hægrimanna!

Allar aðgerðir, sem draga úr veltu í hagkerfinu ber að varast!

Eitt af því sem þarf að varast á krepputímum er samdráttur í starfsemi almannavaldsins.  Aukin umsvif þess eru nauðsynleg til að sporna við samdrættinum.  Þetta er sú leið sem stjórn Obama hefur valið að fara, og þetta er leiðin sem Þorvaldur Gylfson, hagfræðingur, bendir á í grein sinni í Fréttablaðinu í morgun.  Svo vel vill til, að fyrir neðan grein Þorvaldar er grein eftir borgarfulltrúa Sjálfstæðisflokksins.  Borgarfulltrúinn viðrar einmitt þessa aula-hagfræði.  Hún vill skera og spara, og svelta þar með hagkerfið enn meir!  Evrópusambandið hikar við að auka umsvif almannavaldsins, og Alþjóðagjaldeyrissjóðurinn spáir meiri samdrætti þar í kjölfarið!  Auka þarf opinberar framkvæmdir og varast niðurskurð einsog hægt er!  Frestun launahækkana er af sama meiði.  Slíkt dregur enn úr veltunni í hagkerfinu.  Fyrirtæki, t.d. HB-Grandi, sem það geta eiga að standa við umsamdar launahækkanir. 

Það verður dýrt fyrir þjóðina, að takast á við afleiðingarnar af hagstjórn hægrimanna, bæði hér heima og á heimsvísu!

 

Ögmundur: Viðfangsefnið er tröllaukið

Styður Vilhjálmur siðleysið?

Er ekki kominn tími til að frjálshyggjuliðið í þjóðfélaginu pakki saman?  Fyrst væla atvinnurekendur það út hjá forystu ASÍ, að launþegar axli auknar byrðar vegna útafaksturs kapítalismans með því að fresta launahækkunum, og svo eigum við að horfa uppá það að svokallaðir eigendur fyrirtækja blóðmjólki þau með útgreiðslu arðs og bónusa!  Hverslags drullusokkar geta þessir menn verið?   Eru ekki vel flestir búnir að fá nóg af þessu liði, einsog "eigendum HB-Granda og Byrs?

Atvinnurekendur reiðir Jóhönnu

Baugur---Logos tengslin liggja víða!

Gunnar Sturluson, faglegur framkvæmdastjóri og "partner" í Logos lögmannsstofu mun vera sonur Sturlu Böðvarssonar, þingmanns Sjálfstæðisflokksins.

Þurfti Jón Sullenberger ekki að fá sérstaka ráðgjöf á ritstjórn Morgunblaðsins til að finna lögmann, sem ekki var í einhverjum tengslum við Baug?

Fáránlegur samningur um frestun hækkana!

..  

Það hefur lengi verið ljóst, að forysta ASÍ skilur illa hið kapítalíska þjóðfélagskerfi, enda telur forystan sig frekar til yfirstéttarinnar en verkalýðsstéttarinnar, sbr. launakjör forystumanna launþega!  Þeirra kjör taka frekar mið af launum yfirstéttarinnar en umbjóðendanna.

Hér á landi var á árum áður talið fráleitt að verkalýðurinn axlaði byrðar eigenda fyrirtækjanna, þegar á móti blés.  Nú er öldin önnur, enda deila forystumenn verkalýðshreyfingarinnar ekki kjörum með alþýðu manna, heldur með yfirstéttinni!

Það sem gerðist, var að kjör verkalýðsins höfðu versnað vegna kreppu kapítalismans og viðbættist, að forysta ASÍ féllst á að verkalýðurinn tæki á sig enn frekari skerðingu vegna minnkandi gróða sem sama kreppa olli atvinnurekendum, og forystan tók að sér að bera þetta undir umbjóðendur sína undir hótun um atvinnumissi ella.

Enn einu sinni hefur forysta ASÍ sýnt að hagsmunir launþega eru víkjandi þegar kemur að hagsmunamati forystunnar!

Þessum samningi á að sjálfsögðu að rifta, enda forsendur hans brostnar, ef einhverjar voru!  Og forysta ASÍ skal í framhaldinu endurskoða hagsmunamat sitt, og svo auðvitað launakjör sín.  Hún þarf einfaldlega að fara að átta sig á stöðu sinni!

 

 

 

 

 

 

 

 

Vill rifta samkomulagi um frestun samninga

Sjálfstæðismenn alveg gáttaðir? Arðrán er mergurinn í Sjálfstæðisstefnunni!

Það vekur furðu mína, hvað Sjálfstæðismenn á blogginu virðast gáttaðir á afætunum í HB Granda, að ætla að borga sjálfum sér arð í stað þess að standa við áður umsamdar launahækkanir til starfsfólksins!  Þeim til upplýsingar heitir þetta á mannamáli arðrán, og er einmitt mergurinn í Sjálfstæðisstefnunni. 

Annað sem vekur líka furðu mína, er að stuðningsmaður Sjálfstæðisflokksins fagnar væntanlegri lækkun á tryggingaiðgjöldum!  Á hverju heldur hann að íslenskur atvinnurekstur græði, og hafi grætt undanfarinn ár!  Sanngirni og hófsamlegri verðlagningu?  Nei,  gróðinn/arðurinn hefur fengist með okri og ósvífinni verðlagningu á vöru og þjónunstu!  Sem er einmitt inntakið í mottói stefnu Sjálfstæðisflokksins/nýfrjálshyggjunni:  Græðgi er góð!

Svo má bæta því við, að Sjálfstæðisflokkurinn hefur notið góðs af, sbr. lýsingu Jóns Ólafssonar á innheimtu flokksins í sjóði sína!

Launamálin endurmetin

Kaupþing og fleiri?

Kannski eru lánamál stjórnenda og eigenda bakanna og annarra stórfyrirtækja ekki talin með?  Bara smáþjófarnir?

Veruleg fjölgun þjófnaða

Úrslit í prófkjörum Sjálfstæðisflokksins skipta engu máli! Gefum honum frí fyrir fullt og allt!

Hvaða rugl er þetta í brottrekna sveitastjóranum um að úrslitin skipti svona miklu máli?  Þessum flokki, sem hlaðið hefur undir allskyns afætur í samræmi við stefnu  sína, nýfrjálshyggjuna, ber að halda frá landsstjórninni.  Það er hreinlega þjóðarhagur sem krefst þess!  Flokkurinn, sem telur stefnu sína ekki hafa brugðist, á ekkert erindi við þjóðina.  Þessa þjóð, sem flokkurinn hefur komið á kaldan klaka með nýfrjálshyggju sinni í ríkisstjórn í 18 ár!  Flokkur, sem hefur það á stefnuskrá sinni að þeir sem minna mega sín beri byrðarnar fyrir hina ríku!  Flokkur arðráns og kúgunar!

13 milljarða þingmaður?

Engin haldbær skýring hefur fengist á því, hversvegna ríkissjóður var látinn punga út 13.000.000.000 króna í sjóð 9 í Glitni.  Illugi Gunnarsson var þar stjórnarmaður.  Það er kannski hin raunverulega skýring.  Ekki er kunnugt um að ríkssjóður hafi greitt inní aðra sambærilega sjóði til að bjarga heiðri (?) stjórnarmanna sjóðanna. 

Það er alveg merkilegt, að Illugi skuli njóta svona mikils fylgis og greinilegt að hann telur sig ekki bera ábyrgð sem fyrrum stjórnarmaður í sjóði 9!

Afgerandi forysta Illuga

Spurt hefur verið: Hver er þjóðfífl Íslendinga?

Og nú getum við haldið áfram að velta þessari spurningu Guðs fyrir okkur. Kannski er hefur hannnú fengið svar?

Svör við efnahagsvandanum

Féllu eigendurnir á tíma?

Höfðu þeir ekki tíma til að ræna sjoppuna, eins og Kaupþingsmenn?  Hvaða hagsmuni er verið að verja með því að lýsa ekki Straum og "gömlu bankana" í gjaldþrota?  Væri e.t.v. búið að handtaka fyrri eigendur, ef þeir hefðu verið lýstir gjaldþrota?  Hvað er verið að gera til að nálgast "lán" stjórnenda bankanna og eignir?  Ekkert?  Eitthvað?

Gylfi: Fleira kom til hjá Straumi

Ríkið yfirtaki Actavis hið fyrsta!

Nú er búið að yfir taka þessa peningamaskínu vaðmangaranna.  Íslenskir Aðalverktakar e.t.v. næstir.  Ég skrifaði nýverið um framferði lyfjafyrirtækisins Actavis á lyfjamarkaðnum.  Ef það svona nauðsynlegt að yfirtaka þetta apparat Straum til að bjarga einhverjum krónum, þá held ég að vel mætti réttlæta þjóðnýtingu á Actavis.  Það væri til að stöðva meinta markaðsmisnotkun fyrirtækisins og til að vernda sjúklinga fyrir enn frekari skakkaföllum vegna hennar!

Ríkið tekur Straum yfir

Sjálfstæðisstefnan. Græðgi er góð!

Nú er farið að rigna innum lúguna allskyns áróðri frá einhverjum helvítis fíflum sem segjast taka þátt í prófkjöri Sjálfstæðisflokksins.  Mér er gersamlega ómögulegt að bera virðingu fyrir fólki sem hefur þá stefnu að skara eld að köku fámenns hóps samfélagsins á kostnað annarra!  Til að fóðra þjófastarfsemina setja þeir fram hina fáránlegu brauðmolakenningu (hluti og réttlæting nýfrjálshyggjunnar), en á henni byggðist einkavinavæðing ríkisbankanna á sínum tíma.  Og nú segir þetta lið að stefnan hafi ekki brugðist, heldur fólk.  Það er sem sagt verið að bjóða kjósendum uppá sömu stefnuna, sem leiddi til hruns íslensks efnahagslífs;  nýfrjálshyggjuna.  Röksemdafærsla "endurreisnarnefndar"  Sjálfstæðisflokksins virðist vera fengin að láni hjá amríska byssueigendafélaginu.  "Byssur drepa ekki fólk."  Sem sagt,  það er forysta Sjálfstæðisflokksins sem ber ábyrgð á hruninu ekki stefna flokksins!  Þá vitum við það!  Einhverja stefnu hefur forystan stuðst við, ekki satt?  Nema Geir og co. hafi annað hvort misskilið stefnu Sjálfstæðisflokksins eða farið eftir einhverri annarri stefnu.  Varla stefnu Kinverska Kommúnistaflokksins, en kannski Repúblikanaflokksins a la USA?

Græðgin og spillingin, sem Sjálfstæðisflokkurinn hefur leitt til öndvegis í íslensku samfélagi, orsakaði hrunið.  Stefnan sem Geir H. Haarde, Davíð o.fl. fylgdu er ástæðan.  Og þeir bera ábyrgðina, sem stefnunni fylgdu, Sjálfstæðisstefnunni.  Nú er búið að gefa það út að sömu stefnu eigi að fylgja áfram; stefnan brást ekki heldur fólk!  Og þetta ætla ca. 30% þjóðarinnar að láta bjóða sér í næstu kosningum, geriði svo vel!